நீங்கள் தேடியது "youth money snatch"

போரூர்:

பூந்தமல்லியை அத்த நசரத்பேட்டை, வரதராஜபுரம் எம்.ஜி.ஆர். தெருவைச் சேர்ந்தவர் ராமதாஸ். கார்பென்டர்.

இவர் நேற்று இரவு பணி முடிந்து மோட்டார் சைக்கிளில் வீடு திரும்பிக் கொண்டிருந்தார். வரும் வழியில் மதுரவாயல் ஏரிக்கரை பஸ் நிறுத்தம் அருகே உள்ள ஏ.டி.எம். மையத்திற்கு சென்று ரூ.35 ஆயிரம் எடுத்தார்.

பின்னர் காரம்பாக்கம் அருகே வந்து கொண்டிருந்த போது 2 மோட்டார் சைக்கிளில் பின் தொடர்ந்து வந்த 7 பேர் கும்பல் திடீரென ராமதாசை வழிமறித்து கத்தியால் சரமாரியாக வெட்டினர்.

அவரிடமிருந்து மோட்டார் சைக்கிள், செல்போன், ரூ.35 ஆயிரம், ஏ.டி.எம். கார்டுகள் ஆகியவற்றை பறித்துகொண்டு தப்பி சென்று விட்டனர்.

கொள்ளையர்கள் வெட்டியதில் தலை மற்றும் வலது கையில் படுகாயமடைந்த ராமதாஸ் பூந்தமல்லி அரசு மருத்துவமனையில் சிகிச்சை பெற்று வருகிறார்.

மதுரவாயல் இன்ஸ்பெகடர் ரவீந்திரன் அந்த பகுதியில் உள்ள கண்காணிப்பு கேமராவை ஆய்வு செய்து விசாரணை நடத்தி வருகிறார். ஏ.டி.எம். மையத்தில் இருந்தே ராமதாசை கொள்ளை கும்பல் நோட்டமிட்டு அவரை தாக்கி கொள்ளையில் ஈடுபட்டு இருக்கலாம் என்று தெரிகிறது.

நெகமம்:

கோவை மாவட்டம் நெகமம் அடுத்துள்ள கொல்லபட்டியை சேர்ந்தவர் மதன்குமார் (வயது 25). இவர் அனுப்பர்பாளையத்தில் பிரவுசிங் சென்டர் நடத்தி வருகிறார். கடந்த 6 -ந்தேதி இரவு மதன் குமார் பிரவுசிங் சென்டரில் பணி முடித்துவிட்டு தனது வீட்டிற்கு மோட்டார் சைக்கிளில் வந்து கொண்டு இருந்தார். ஆலாம்பாளையம் பஸ் நிறுத்தம் அருகே வந்து கொண்டு இருந்த போது காரில் வந்த 4 பேர் மதன் குமாரை வழிமறித்தனர்.

பின்னர் அவரை அங்குள்ள மரத்தில் கட்டிப் போட்டு அடித்து உதைத்து அவரிடம் இருந்த ரூ. 54 ஆயிரத்தை பறித்தனர். பின்பு மதன்குமாரின் கட்டுகளை அவிழ்த்து விட்டு காரில் தப்பி சென்று விட்டனர்.காயம் அடைந்த மதன்குமார் பொள்ளாச்சி அரசு மருத்துவமனையில் சிகிச்சைக்காக சேர்ந்தார். மயக்கம் தெளிந்து நெகமம் போலீஸ் நிலையத்தில் புகார் அளித்தார். புகாரின் பேரில் நெகமம் போலீசார் வழக்கு பதிவு செய்தனர்.

விசாரணையில் மதன் குமாரை மரத்தில் கட்டி வைத்து பணத்தை பறித்தது ஆலாம்பாளையத்தை சேர்ந்த ஹரி, பிரசாத், மடத்துக்குளம் கவின், சுந்தர கவுன்டனூர் பரத் என்பது தெரிய வந்தது. அவர்கள் தலைமறைவாகி விட்டனர். அவர்களை போலீசார் தேடி வருகிறார்கள். இரவு நேரத்தில் வாலிபரை மரத்தில் கட்டிப்போட்டு பணம் பறித்து சென்ற சம்பவம் அப்பகுதியில் பெரும் பரபரப்பை ஏற்படுத்தியுள்ளது.