நீங்கள் தேடியது "Train time"

சென்னையில் ஞாயிற்றுக்கிழமைகளில் மெட்ரோ ரெயிலில் பயணிகளின் எண்ணிக்கை கணிசமாக அதிகரித்து வருவதால் நாளை முதல் ரெயில் சேவை நேரத்தில் மாற்றம் கொண்டுவரப்பட்டுள்ளதாக மெட்ரோ நிர்வாகம் அறிவித்துள்ளது.

அதன்படி, காலை 5 மணி முதல் இரவு 11 மணி வரை மெட்ரோ ரெயில்கள் இயக்கப்படும் எனவும், காலை 5 மணி முதல் மதியம் 12 மணி வரையிலும், இரவு 8 மணி முதல் 10 மணி வரை 10 நிமிட இடைவெளியில் ரெயில்கள் இயக்கப்படும் என்றும் அறிவிக்கப்பட்டுள்ளது.

மேலும், மதியம் 12 முதல் இரவு 8 மணி வரை 7 நிமிட இடைவெளியில் ரெயில்கள் இயக்கப்படும் என்று அறிவிக்கப்பட்டுள்ளது.

தொடர்ந்து, இரவு 10 மணி முதல் 11 மணி வரையில் 15 நிமிட இடைவெளியில் மெட்ரோ ரெயில்கள் இயக்கப்படும் என மெட்ரோ நிர்வாகம் அறிவித்துள்ளது. 

மதுரை

மதுரை கோட்டத்தில் இன்று (1-ந் தேதி) முதல் புதிய ரெயில் கால அட்டவணை அமலுக்கு வருகிறது. சில ரெயில்களின் புறப்படும் நேரம், மாற்றம் செய்யப்படுகிறது.

தூத்துக்குடி சிறப்பு ரெயில் (06668) நெல்லையில் இருந்து காலை 7.35 மணிக்கு பதில் காலை 7.30 மணிக்கும், மணியாச்சி சிறப்பு ரெயில் (06671) தூத்துக்குடியில் இருந்து காலை 8.30 மணிக்கு பதில் காலை 8.25 மணிக்கும், மற்றொரு மணியாச்சி சிறப்பு ரெயில் (06847) தூத்துக்குடியில் இருந்து இரவு 10.45 மணிக்கு பதில் இரவு 10.10 மணிக்கும், புவனேஸ்வர் விரைவு ரெயில் (20895) ராமேசுவரத்தில் இருந்து காலை 8.50 மணிக்கு பதில் காலை 8.40 மணிக்கும் புறப்படும்.திருப்பதி விரைவு ரெயில் (16780) ராமேசுவரத்தில் இருந்து மாலை 4.30 மணிக்கு பதில் மாலை 4.20மணிக்கும், தஞ்சை வழியாக இயக்கப்படும் சென்னை எழும்பூர் விரைவு ரெயில் (16852), ராமேசுவரத்தில் இருந்து மாலை 5.25 மணிக்கு பதில் மாலை 5.20 மணிக்கும், மதுரை சிறப்பு ரெயில் (06656) ராமேசுவரத்தில் இருந்து மாலை 6.05 மணிக்கு பதில் மாலை 6 மணிக்கும், திருச்சி வழியாக இயக்கப்படும். கோவை விரைவு ரெயில் (16617) ராமேசுவரத்தில் இருந்து இரவு 7.25 மணிக்கு பதில் இரவு 7.10 மணிக்கும், சென்னை விரைவு ரெயில் (22662) ராமேசுவரத்தில் இருந்து இரவு 8.25 மணிக்கு பதில் இரவு 8.20 மணிக்கும் புறப்படும் என்று அதிகாரிகள் தெரிவித்தனர்.