search icon
என் மலர்tooltip icon

    நீங்கள் தேடியது "Thayir Semiya"

    காலையில் எளிய முறையில் சத்தான டிபன் செய்ய விரும்பினால் இந்த தயிர் சேமியாவை செய்யலாம். இன்று இந்த சேமியாவை செய்வது எப்படி என்று பார்க்கலாம்.
    தேவையான பொருட்கள் :

    சேமியா - 250 கிராம்
    தயிர் - இரண்டு கப்
    எண்ணெய் - ஒரு தேக்கரண்டி
    கடுகு - கால் தேக்கரண்டி
    காய்ந்த மிளகாய் - நான்கு
    கறிவேப்பிலை - சிறிதளவு
    நறுக்கிய கொத்தமல்லி - சிறிதளவு
    வறுத்த முந்திரி - பத்து
    நெய் - ஒரு தேக்கரண்டி
    உப்பு - தேவையான அளவு



    செய்முறை :

    சேமியாவை நெய் சேர்த்து வாணலியில் பொன்னிறமாக வறுத்து கொள்ளவும்.

    இரண்டு கப் தண்ணீரை கொதிக்க வைத்து அதில் உப்பு மற்றும் சேமியாவை சேர்த்து ஐந்து நிமிடம் வேக வைக்கவும். சேமியா வெந்ததும் தண்ணீரை வடிகட்டி, குளிர்ந்த நீரில் அலசி மீண்டும் வடிகட்டி வைக்கவும்.

    வாணலியில் எண்ணெய் ஊற்றிக் காய்ந்ததும் கடுகு, காய்ந்த மிளகாய் 2 மற்றும் கறிவேப்பிலை சேர்த்து தாளித்து அதை சேமியாவுடன் சேர்த்து தயிர், கொத்தமல்லி, முந்திரி போட்டு கலக்கவும்.

    சுவையான தயிர் சேமியா ரெடி.

    குறிப்பு : இதில் விருப்பப்பட்டால் கேரட் துருவல், மாதுளம் பழத்தையும் சேர்த்து கொள்ளலாம்.

    இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    சேமியா சாப்பிட மறுக்கும் குழந்தைக்கு பழங்கள் போட்டு தயிர் சேமியா செய்து கொத்தால் விரும்பி சாப்பிடுவார்கள். இன்று இதன் செய்முறையை பார்க்கலாம்.
    தேவையான பொருட்கள் :

    சேமியா - 200 கிராம்
    தயிர் - ஒரு கப்,  
    மாதுளை முத்துக்கள், பச்சை திராட்சை, நறுக்கிய கொத்தமல்லித்தழை - சிறிதளவு,
    வெண்ணெய் - 2 டீஸ்பூன்,
    உப்பு - அரை டீஸ்பூன்.

    தாளிக்க :

    மிளகு - 10,
    கடுகு - அரை டீஸ்பூன்,
    பெருங்காயத்தூள் -  ஒரு சிட்டிகை,
    காய்ந்த மிளகாய் (கிள்ளியது) - 2



    செய்முறை :

    சேமியாவை வேக வைத்து தண்ணீரை வடித்து வைக்கவும்.

    கொத்தமல்லியை பொடியாக நறுக்கி கொள்ளவும்.

    தயிருடன் உப்பு சேர்த்துக் கடைந்து கொள்ளவும்.

    இதனுடன் வெந்த சேமியாவைச் சேர்த்து நன்றாக கலந்து கொள்ளவும்.

    கடாயை அடுப்பில் வைத்து வெண்ணெயை போட்டு உருகியதும், தாளிக்கும் பொருட்களை சேர்தது தாளித்து சேமியா கலவையுடன் சேர்க்கவும்.

    பிறகு, மாதுளை முத்துக்கள் பச்சை திராட்சை, கொத்தமல்லித்தழை சேர்த்து கலந்து பரிமாறவும்.

    சூப்பரான தயிர் சேமியா ரெடி.

    - இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.
    ×