ஸ்மார்ட்போன் சிப்செட்களை உற்பத்தி செய்து வழங்கும் குவால்காம் நிறுவனம், சமீபத்தில் ஸ்னாப்டிராகன் 8 பிளஸ் ஜென் 1 பிராசஸரை அறிமுகம் செய்தது. இது குவால்காம் நிறுவனத்தின் அதிநவீன பிளாக்ஷிப் பிராசஸர் ஆகும்.
புது பிராசஸர் அறிவிக்கப்பட்டதை தொடர்ந்து ஒன்பிளஸ், ரியல்மி மற்றும் அசுஸ் என பல்வேறு முன்னணி நிறுவனங்கள் தங்களது புதிய ஸ்மார்ட்போன் மாடல்கள் குவால்காம் ஸ்னாப்டிராகன் 8 பிளஸ் ஜென் 1 பிளாக்ஷிப் பிராசஸர் கொண்டிருக்கும் என அறிவித்து வருகின்றன.
அதன் படி அசுஸ் நிறுவனத்தின் புதிய கேமிங் ஸ்மார்ட்போன் ரோக் போன் 6 சீரிஸ் மாடல்களில் குவால்காம் ஸ்னாப்டிராகன் 8 பிளஸ் ஜென் 1 பிராசஸர் வழங்கப்படும் என அறிவிக்கப்பட்டு உள்ளது. இதே போன்று ஒன்பிளஸ் நிறுவனமும் குவால்காம் ஸ்னாப்டிராகன் 8 பிளஸ் ஜென் 1 பிராசஸர் கொண்ட ஒன்பிளஸ் ஸ்மார்ட்போன் உருவாகி வருவதை உறுதிப்படுத்தி இருக்கிறது. மேலும் புது ஸ்மார்ட்போன் 2022 மூன்றாவது காலாண்டு வாக்கில் அறிமுகம் செய்யப்படும் என அறிவித்து இருக்கிறது.
ஒன்பிளஸ் மற்றும் அசுஸ் நிறுவனங்களை போன்றே ரியல்மி நிறுவனமும் தனது GT2 மாஸ்டர் எக்ஸ்ப்ளோரர் எடிஷன் ஸ்மார்ட்போனில் குவால்காம் ஸ்னாப்டிராகன் 8 பிளஸ் ஜென் 1 பிராசஸர் வழங்கப்படும் என அறிவித்து உள்ளது. இவை தவிர மற்ற ஸ்மார்ட்போன் உற்பத்தியாளர்களும் குவால்காம் ஸ்னாப்டிராகன் 8 பிளஸ் ஜென் 1 பிராசஸர் கொண்ட போன்களை அறிமுகம் செய்ய இருப்பதாக அறிவித்து உள்ளன.
