ரஷியாவில் 21-வது உலகக் கோப்பை கால்பந்து தொடர் வருகிற 14-ந்தேதி தொடங்குகிறது. அடுத்த மாதம் 15-ந்தேதி வரை நடக்கிறது. இதில் பங்கேற்கும் 32 அணிகள் தொடருக்கு தயாராகி வருகிறது.
இந்நிலையில் 2010-ம் ஆண்டு உலகக் கோப்பையை கைப்பற்றிய ஸ்பெயின் அணி ரஷியா சென்றடைந்துள்ளது. அந்த அணி 2016 யூரோ கோப்பைக்குப் பின் தொடர்ச்சியாக 19 போட்டிகளில் தோல்வியை சந்திக்காமல் வீறுநடை போட்டி வருகிறது. ஸ்பெயின் தனது கடைசி பயிற்சி ஆட்டத்தில் துனிசியாவை வரும் சனிக்கிழமை சந்திக்கிறது.
பனாமா அணி வீரர்கள் விமானத்தில் இருந்து இறங்கும் காட்சி ஸ்பெயின் அணி தனது முதல் ஆட்டத்தில் போர்ச்சுக்கல் அணியை ஜூன் 15-ந்தேதி சந்திக்கிறது. ‘பி’ பிரிவில் இந்த இரு அணிகளுடன் மொராக்கோ, ஈரான் அணிகளும் இடம்பிடித்துள்ளன.
அமெரிக்கா, ஹோண்டுராஸ் அணியை வீழ்த்தி முதன்முறையாக உலகக் கோப்பை தொடருக்கு தகுதிப் பெற்றுள்ள பனமா அணியும் ரஷிய சென்றடைந்துள்ளது. குரூப் ‘ஜி’ பிரிவில் பனாமா அணியுடன் பலம்வாய்ந்த பெல்ஜியம், இங்கிலாந்து, துனிசியா அணிகள் இடம்பிடித்துள்ளன.
