நீங்கள் தேடியது "Josh Brolin"

உலகளவில் ரசிகர்கள் ஆவலோடு எதிர்பார்த்த ‘அவெஞ்சர்ஸ் இன்பினிட்டி வார்’ படம் கடந்த ஏப்ரல் 27-ஆம் தேதி வெளியாகி திரையரங்குளில் வெற்றிகரமாக ஓடிக் கொண்டிருக்கிறது. 

உலகம் முழுக்க ரசிகர்களை ஈர்த்துள்ள இந்த படம் பாக்ஸ் ஆபிஸில் 2 மில்லியன் டாலர் கிளப்பில் இணைந்து வசூல் சாதனை நிகழ்த்தி உள்ளது. தற்போது வரை இந்த படம் 2 பில்லியன் டாலர்கள் (அதாவது, இந்திய ரூபாய் மதிப்பில் 13 ஆயிரத்து 5,17 கோடியை) வசூலித்துள்ளது. 

வட அமெரிக்காவில் மட்டும் இந்த படம் 655 மில்லியன் டாலர்களை வசூலித்துள்ளது. தவிர்த்து உலகம் முழுக்க 1.346 பில்லியன் டாலர்கள் வசூலாகியுள்ளது. 

உலகளவில் அதிகம் வசூலித்த படங்கள் பட்டியலில் ‘அவெஞ்சர்ஸ் இன்பினிட்டி வார்’ நான்காவது இடத்தில் உள்ளது. 

ஜேம்ஸ் கேமரானின் அவதார் (2.78 பில்லியன் டாலர்) மற்றும் டைட்டானிக் (2.18 பில்லியன் டாலர்) முதல் இரண்டு இடங்களை தக்கவைத்துள்ளன. ஸ்டார்வார்ஸ் த ஃபோர்ஸ் அவாகென்ஸ் படம் வசூலில் மூன்றாவது இடத்தில் உள்ளது. விரைவில் இந்த படங்களில் வசூல் சாதனைகளை ‘அவெஞ்சர்ஸ் இன்பினிட்டி வார்’ முறியடிக்கும் என்று எதிர்பார்க்கப்படுகிறது. 

மார்வெல் ஸ்டூடியோஸ் தயாரிப்பில் ரஸோ சகோதரர்கள் இயக்கியிருக்கும் இந்த படத்தில் பல சூப்பர் ஹீரோக்களும், தனோஸ் என்ற பயங்கரமான வில்லனும் நடித்துள்ளனர். மிரட்டலான அதிரடி சாகசங்கள் நிரம்பிய படமாக இந்த படம் வந்துள்ளது.

இதில் ராபர்ட் டவுனி, கிறிஸ் கெம்ஸ்வொர்த், பார்க் ரூபலா, கிறிஸ் வெனஸ், ஸ்கேர்லட் ஜான்சன், டாம் ஹாலன்ட், எலிசபெத் ஆல்சன் உள்பட பலர் நடித்துள்ளனர். இந்த படத்தின் இரண்டாவது பாகம் அடுத்த ஆண்டு வெளியாக இருக்கிறது. #AvengersInfinityWar #AvengersInfinity #ThanosDemandsYourSilence

டெட்பூல் முதல் பாகத்தின் தொடர்ச்சியாக உருவாகி இருக்கும் இந்த பாகத்தில், ரயான் ரெணால்ட்ஸின் சூப்பர் பவரே அவரது ஆசையை நிறைவேற விடாமல் செய்கிறது. 

ரயான் ரெணால்ட்ஸ் அவரது காதலியை திருமணம் செய்து கொள்ள இருந்த நிலையில், எதிரிகளால் ரயானின் காதலி இறந்துவிடுகிறாள். காதலியை பிரிந்து இருக்க முடியாமல் தவிக்கும் ரயான், தனக்கு சாவே கிடையாது என்பதை மறந்து தற்கொலைக்கு முயற்சிக்க, அவரால் சாக முடியவில்லை. இவ்வாறு அவரது சூப்பர் பவரே அவருக்கு எதிராக வருகிறது.

இந்த நிலையில், ரயானின் கனவில் வரும் அவரது காதலி, ராயன் ஏதாவது நல்லது செய்தால் தான் தன்னுடன் வந்து சேர முடியும் என்று கூறிவிட்டுச் செல்கிறாள். இதையடுத்து ஏதாவது நல்ல வேலையை செய்துவிட்டு தனது காதலியுடன் இணைய ஆசைப்படும் ரயான், வேண்டா வெறுப்புடன் எக்ஸ்-மேன் குழுவுடன் இணைகிறார். 

அவரது முதல் மிஷனில் சிறுவனான ஜுலியன் டென்னிசன் தன்னிடம் உள்ள சூப்பர் பவரை பயன்படுத்தி அங்கிருக்கும் ஒரு இடத்தை அழிக்க முயற்சி செய்கிறான். இந்த நிலையில், அங்கு வரும் ரயான் அந்த சிறுவனைக் காப்பாற்றி, அவனை கொடுமைப்படுத்தியவரை கொன்றுவிடுகிறார். 

இந்த நிலையில், அங்கு வரும் போலீசார் அவர்களை கைது செய்கின்றனர். ரயானின் சூப்பர் பவர் வேலை செய்யமுடியாதபடி அவரது கழுத்தில் ஒரு சங்கிலியையும் இணைத்துவிடுகின்றனர். இந்த நிலையில், அங்கிருந்து தப்பிக்க ராயன் திட்டமிட, முன்னதாக அவர்கள் சண்டையிட்ட இடத்தை ஜுலியன் டென்னிசன் அழிக்க நினைக்கிறார். 

இந்த நிலையில், எதிர்காலத்தில் இருந்து வரும் கேபிள், ஜுலியன் டென்னிசனை கொல்ல முயற்சிக்கிறான். 

கடைசியில், ரயான் தனது காதலியுடன் இணைந்தாரா? ஜுலியன் டென்னிசன் அந்த இடத்தை அழித்தாரா? எதிர்காலத்தில் இருந்து வரும் கேபிள், ஜுலியன் டென்னிசனை ஏன் கொல்ல முயற்சிக்கிறான்? எதிர்காலத்தில் இருந்து கேபிள் எப்படி நிகழ்காலத்திற்கு வந்தான்? அதன் பின்னணியில் என்ன நடந்தது என்பதே படத்தின் மீதிக்கதை. 

ரயான் ரெணால்ட்ஸ், ஜோஷ் ப்ரோலின், மொரீனா பக்கரீன், ஜுலியன் டென்னிசன், சிசி பீட்ஸ், டிஜே மில்லர், பிரியானா ஹில்டுபிராண்ட், ஜாக் கெசி என அனைவரும் அவர்களுக்கு கொடுத்த கதாபாத்திரங்களுக்கு வலுசேர்த்திருக்கின்றனர். 

ஆக்‌ஷன், காமெடி என காட்சிகளை ரசிக்கும்படியாக உருவாக்கியிருக்கிறார் டேவிட் லெய்ட்ச். டைலர் பேட்ஸின் பின்னணி இசை வலு சேர்த்திருக்கிறது. ஜோனாதன் சேலாவின் ஒளிப்பதிவில் காட்சிகள் சிறப்பாக வந்துள்ளன. குறிப்பாக தமிழ் டப்பிங் ரசிக்கும்படியாக இருக்கிறது. தற்போதைய அரசியல் சூழலை கிண்டல் செய்யும்படியாக தமிழ் வசனங்கள் இடம்பெற்றிருப்பது சிரிக்க வைக்கிறது.

மொத்தத்தில் `டெட்பூல் 2' அதிரடி. #Deadpool2Review #RyanReynolds