சாம்சங் நிறுவனத்தின் முதல் ஆன்ட்ராய்டு கோ ஸ்மார்ட்போன் இந்தியாவில் அறிமுகம் செய்யப்பட்டது. கேலக்ஸி ஜெ2 கோர் என பெயரிடப்பட்டுள்ள புதிய ஸ்மார்ட்போன் 5.0 இன்ச் TFT டிஸ்ப்ளே, எக்சைனோஸ் 7570 குவாட்-கோர் 14 என்.எம். பிராசஸர், 1 ஜிபி ரேம் கொண்டுள்ளது.
புகைப்படங்களை எடுக்க 8 எம்பி பிரைமரி கேமரா, எல்இடி ஃபிளாஷ், 5 எம்பி செல்ஃபி கேமரா வழங்கப்பட்டுள்ளது. பட்ஜெட் ரக ஸ்மார்ட்போன் என்பதால் கைரேகை சென்சார் அல்லது ஃபேஸ் அன்லாக் போன்ற அம்சங்கள் வழங்கப்படவில்லை. புதிய கேலக்ஸி ஸ்மார்ட்போனில் 2600 எம்.ஏ.ஹெச். பேட்டரி மூலம் சக்தியூட்டப்படுகிறது.
சாம்சங் கேலக்ஸி ஜெ2 கோர் சிறப்பம்சங்கள்:
- 5.0 இன்ச் 540x960 பிக்சல் qHD TFT டிஸ்ப்ளே
- 1.4 ஜிகாஹெர்ட்ஸ் குவாட்-கோர் எக்சைனோஸ் 7570 14nm பிராசஸர்
- மாலி-T720 MP1 GPU
- 1 ஜிபி ரேம்
- 8 ஜிபி இன்டெர்னல் மெமரி
- மெமரியை கூடுதலாக நீட்டிக்கும் வசதி
- ஆன்ட்ராய்டு 8.1 ஓரியோ (கோ எடிஷன்)
- டூயல் சிம் ஸ்லாட்
- 8 எம்பி பிரைமரி கேமரா, எல்இடி ஃபிளாஷ், f/2.2
- 5 எம்பி செல்ஃபி கேமரா, f/2.2
- 4ஜி வோல்ட்இ, வைபை, ப்ளூடூத்
- 2600 எம்.ஏ.ஹெச். பேட்டரி
சாம்சங் கேலக்ஸி ஜெ2 கோர் ஸ்மார்ட்போன் தங்க நிறத்தில் கிடைக்கிறது. ஆகஸ்டு 24-ம் தேதி முதல் இந்தியா மற்றும் மலேசியாவில் கேலக்ஸி ஜெ2 கோர் விற்பனை துவங்கும் நிலையில், மற்ற சந்தைகளில் வெளியிடப்படலாம் என எதிர்பார்க்கப்படுகிறது.
