நீங்கள் தேடியது "ex CM Donwa Dethwelson Lapang"

ஷில்லாங்:

மேகாலயாவில் தேசிய மக்கள் கட்சி தலைமையிலான ஆட்சி நடைபெற்று வருகிறது. முதல் மந்திரியாக கான்ராட் சங்மா பதவி வகித்து வருகிறார். எதிர்க்கட்சியாக காங்கிரஸ் கட்சி செயல்பட்டு வருகிறது.

இந்நிலையில், மேகாலயா மாநிலத்தின் முன்னாள் முதல் மந்திரியும், காங்கிரஸ் கட்சியின் மூத்த தலைவர்களில் ஒருவராகவும் இருந்த டி.டி.லபாங் நேற்று அந்த கட்சியில் இருந்து விலகினார்.

இதுதொடர்பாக லபாங் காங்கிரஸ் கட்சி தலைவர் ராகுல் காந்திக்கு கடிதம் எழுதியுள்ளார். அதில், தனது வயது மற்றும் உடல் நிலை காரணமாகவும் கட்சியில் இருந்து விலக தீர்மானித்துள்ளேன் என தெரிவித்துள்ளார்.

கடந்த 40 ஆண்டுகளுக்கு மேலாக காங்கிரஸ் கட்சியில் இருந்து வந்த லபாங், அந்த கட்சியில் இருந்து விலகியது அங்கு அதிர்ச்சியை ஏற்படுத்தியுள்ளது. #Congress #Lapang