என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "Chinook helicopters"
- அமெரிக்க ராணுவம் சுமார் 400 சினூக் ஹெலிகாப்டர்களின் பயன்பாட்டை நிறுத்தி வைத்துள்ளது.
- இந்திய விமானப் படையில் 15 சினூக் ஹெலிகாப்டர்கள் தற்போது பயன்பாட்டில் உள்ளது.
வாஷிங்டன்:
போயிங் நிறுவனத்தின் தயாரிப்பில் உருவான சினூக் ஹெலிகாப்டர் அமெரிக்க ராணுவ வீரர்களை பல்வேறு இடங்களுக்கு அழைத்துச் செல்லவும், சரக்குகளை ஏற்றிச் செல்லவும் பயன்படுத்தி வந்தனர்.
இதற்கிடையே, அமெரிக்க பாதுகாப்புப் படையில் பயன்பாட்டில் உள்ள 400 சினூக் ஹெலிகாப்டர்களை பயன்பாட்டிலிருந்து நிறுத்துவதாக அந்நாட்டு ராணுவம் தெரிவித்துள்ளது. அடிக்கடி எஞ்சின் தீப்பிடித்து விபத்துக்குள்ளாவதை தொடர்ந்து இந்த நடவடிக்கை எடுத்துள்ளதாக தெரிவித்தது.
இந்திய விமானப் படையில் தற்போது 15 சினூக் ஹெலிகாப்டர்கள் பயன்பாட்டில் இருந்து வருகிறது.
இந்நிலையில், அமெரிக்க ராணுவம் அனைத்து சினூக் ஹெலிகாப்டர்களையும் நிறுத்துவதற்கான முழு விவரங்களை அளிக்கும்படி போயிங் நிறுவனத்திடம் இந்தியா சார்பில் விளக்கம் கோரப்பட்டுள்ளதாக தகவல் வெளியானது.
அமெரிக்கா அளிக்கும் விளக்கத்திற்கு பிறகு, இந்திய விமானப் படையும் சினூக் ரக ஹெலிகாப்டர் பயன்பாட்டை நிறுத்துவது குறித்து முடிவெடுக்க வாய்ப்புள்ளதாக தகவல்கள் தெரிவிக்கின்றன.
இந்நிலையில் சண்டிகர் விமானப்படை தளத்தில் இன்று நடைபெற்ற நிகழ்ச்சியில் புதிய வரவான சினூக் கனரக ஹெலிகாப்டர்கள் விமானப்படையில் சேர்க்கப்பட்டன. விமானப்படை தளபதி பி.எஸ்.தனோவா, இந்த ஹெலிகாப்டர்களை முறைப்படி விமானப்படையில் இணைத்து நாட்டுக்கு அர்ப்பணித்தார்.
நிகழ்ச்சியில் பேசிய அவர், “நாடு பல்வேறு பாதுகாப்பு சவால்களை எதிர்கொண்டுள்ளது. எனவே, அனைத்து பகுதிகளுக்கும் அதிக எடையுள்ள தளவாடப் பொருட்களை எடுத்துச் செல்லும் திறன்கொண்ட ஹெலிகாப்டர்கள் தேவை. எனவே, மேம்படுத்தப்பட்ட சினூக் ஹெலிகாப்டர்கள் கொள்முதல் செய்யப்பட்டுள்ளன. இது தேசிய சொத்து” என்றார்.
சினூக் ஹெலிகாப்டர்கள் வரவால் இந்திய விமானப்படையின் திறன் மேலும் அதிகரித்துள்ளது. ராணுவத்தில் பயன்படுத்தப்படும் சிறிய ரக பீரங்கிகள், தளவாடங்கள், எரிபொருள் ஆகியவற்றை, அனைத்து நிலப்பரப்புகளுக்கும் எடுத்துச் செல்ல இந்த ஹெலிகாப்டர்கள் மிக முக்கியமாக பயன்படுத்தப்படும். #ChinookHelicopter #IAF
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்