கோவில்பட்டி:
கே.ஆர்.மருத்துவம் மற்றும் கல்வி அறக்கட்டளையின் சார்பில், கே.ஆர்.கல்வி நிறுவனங்கள், லட்சுமி அம்மாள் ஸ்போர்ட்ஸ் அகாடமியுடன் இணைந்து நடத்தும் லட்சுமி அம்மாள் நினைவுக் கோப்பைக்கான 12-வது அகில இந்திய ஆக்கிப் போட்டிகள் கடந்த 18-ந் தேதி தொடங்கி நடந்து வருகிறது. நேற்று இரவு தொடங்கிய 21-வது லீக் ஆட்டத்தில் பெங்களூரு, கனரா வங்கி மற்றும் சென்னை இந்தியன் வங்கி ஆகிய அணிகள் மோதின. இதில் 3-1 என்ற கோல் கணக்கில் சென்னை இந்தியன் வங்கி அணி வெற்றிப் பெற்றது.
இன்று மாலை நடைபெறும் 22-வது லீக் ஆட்டத்தில் இந்தியன் ஓவர்சீஸ் வங்கி, சென்னை மற்றும் நிஸ்வாஸ் ஆக்கி அணி, ஒடிசா ஆகிய அணிகள் மோதுகின்றன. 23-வது லீக் ஆட்டத்தில் சவுத் சென்ட்ரல் ரயில்வே, செகந்திராபாத் மற்றும் கஸ்டம்ஸ், புனே ஆகிய அணிகள் மோதுகின்றன. 24-வது லீக் ஆட்டத்தில் ஜிஎஸ்டி - சென்ட்ரல் எக்ஸைஸ், சென்னை மற்றும் ஸ்போர்ட்ஸ் ஆதாரிட்டி ஆப் இந்தியா ட்ரைனிங் சென்டர், பெங்களூரு ஆகிய அணிகள் மோத உள்ளன.
