நீங்கள் தேடியது "Atletico Madrid"

சூப்பர் கோப்பை கால்பந்து சாம்பியனுக்கான ஆட்டம் எஸ்டோனியாவில் நேற்று நடைபெற்றது. இதில் ஐரோப்பிய சாம்பியன் லீக் தொடரில் சாம்பியன் பட்டம் வென்ற ரியல் மாட்ரிட் அணியும், ஐரோப்பா லீக்கில் சாம்பியன் பட்டம் வென்ற அட்லெடிகோ மாட்ரிட் அணியும் பலப்பரீட்சை நடத்தின.

ரியல் மாட்ரிட் கிறிஸ்டியானோ ரொனால்டோ வெளியேறியதற்குப் பிறகு முதன்முறையாக மிகப்பெரிய தொடரை சந்தித்து. ஆட்டத்தின் முதல் நிமிடத்தில் அட்டிலெடிகோ மாட்ரிட் அணியின் டியேகோ கோஸ்டா முதல் கோலை பதிவு செய்தது. 27-வது நிமிடத்தில் ரியல் மாட்ரிட் அணியின் கரிம் பென்சிமா பதில் கோல் அடித்தார்.



இதனால் முதல் பாதி நேரத்தில் இரு அணிகளும் 1-1  என சமநிலைப் பெற்றது. 2-வது பாதி நேர ஆட்டம் தொடங்கியதும், ஆட்டத்தின் 63-வது நிமிடத்தில் ரியல் மாட்ரிட் அணிக்கு பெனால்டி வாய்ப்பு கிடைத்தது. இதை பயன்படுத்தி செர்ஜியோ ரமோஸ் கோல் அடித்தார். 79-வது நிமிடத்தில் டியேகோ கோஸ்டா கோல் அடித்தார். இதனால் 2-2 என ஸ்கோர் சமநிலைப் பெற்றது. கடைசி 11 நிமிடத்தில் இரு அணிகளும் கோல் அடிக்காததால் ஆட்டம் டிராவில் முடிந்தது.

இதனால் கூடுதல் நேரம் கொடுக்கப்பட்டது. இதில் 98-வது நிமிடத்தில் அட்லெடிகோ மாட்ரிட்டின் நிகுயெஸ், 104-வது நிமிடத்தில் கோக் ஆகியோர் கோல் அடித்ததால் அட்டிலெடிகோ மாட்ரிட் 4-2 என ரியல் மாட்ரிட் அணியை வீழ்த்தி சாம்பியன் பட்டம் வென்றது.

ஸ்பெயின் நாட்டில் நடத்தப்பட்டு வரும் லா லிகா கால்பந்து தொடரில் பங்கேற்று விளையாடும் முன்னணி அணிகளில் ஒன்று அட்லெடிகோ மாட்ரிட். இந்த அணியில் பிரான்ஸ் அணியின் முன்னணி வீரர்களான கிரிஸ்மான், லூகாஸ் ஹெர்னாண்டஸ் இடம்பிடித்து விளையாடி வந்தனர்.

கிரிஸ்மான் முன்னணி ஸ்டிரைக்கராக விளங்கி வந்தார். இவர் 2014-ம் ஆண்டில் இருந்து இந்த அணிக்காக விளையாடி வருகிறார். 2017-2018 சீசன் முடிந்த பின்னர், பார்சிலோனா அணிக்கு மாற இருக்கிறார் என்ற பேச்சு வெளியானது.



இதை முற்றிலும் மறுத்த கிரிஸ்மான், நான் அட்லெடிகோ மாட்ரிட் அணிக்காகத்தான் விளையாடுவேன் என்று அறிவித்தார். இந்நிலையில் அவருடனான ஒப்பந்தத்தை 2023 வரை நீட்டித்துள்ளது அட்லெடிகோ மாட்ரிட்.



அதேபோல் மற்றொரு பிரான்ஸ் வீரரான லூகாஸ் ஹெர்னாண்டசின் ஒப்பந்தத்தை 2024 வரை நீட்டித்துள்ளது. மொனாகோ அணியில் இடம்பிடித்துள்ள தாமஸ் லேமரை 63 மில்லியன் பவுண்டிற்கு விலைபேசியுள்ளது. இவரும் அட்லெடிகோ மாட்ரிட் அணிக்காக விளையாட இருக்கிறார்.

பிரான்ஸ் நாட்டின் முன்னணி கால்பந்து வீரர் கிரிஸ்மான். 27 வயதாகும் இவர் 2009 முதல் 2014 வரை சுமார் ஐந்து வருடங்கள் ரியல் சோசியேடாட் அணிக்காக விளையாடினார். அதன்பின் 2014-ல் சீசனுக்குப் பிறகு அட்லெடிகோ மாட்ரிட் அணிக்கு மாறினார். கடந்த நான்கு வருடங்களாக அந்த அணிக்காக விளையாடி வருகிறார். இதுவரை 142 போட்டிகளில் விளையாடி 79 கோல்கள் அடித்துள்ளார்.

கடந்த வருடத்தில் இருந்தே கிரிஸ்மான் மான்செஸ்டர் யுனைடெட், ரியல் மாட்ரிட், பார்சிலோனா அணிகளுக்கு மாறப்போவதாக செய்தி வந்தது. இதை கிரிஸ்மான் திட்டவட்டமாக மறுத்தார். தற்போது பார்சிலோனா அணிக்கு மாற இருப்பதாக செய்திகள் உலா வந்தனர். ஆனால் அட்லெடிகோ மாட்ரிட் அணியில்தான் நீடிப்பார் என்று அந்த அணி கூறி வந்தது.



இந்நிலையில் நான் பார்சிலோனா அணிக்கு மாறப்போவதில்லை. அட்லெடிகோ மாட்ரிட் அணிக்காகத்தான் விளையாடுவேன் என்பதை உறுதிப்படுத்தியுள்ளார். ‘‘என்னுடைய ரசிகர்கள், என்னுடைய அணி, என்னுடைய வீடு அட்லெடிகோ மாடரிட்’’ என்று கிரிஸ்மான் தெரிவித்துள்ளார்.

ஐரோப்பா லீக் இறுதிப் போட்டி நேற்று நடைபெற்றது. இதில் ஒலிம்பிக்யூ டி மார்சைல் - அட்லெடிகோ டி மாட்ரிட் அணிகள் பலப்பரீட்சை நடத்தின. அட்லெடிகோ மாட்ரிட் அணியின் முன்னணி வீரரான கிரிஸ்மான் அபாரமான ஆட்டத்தை வெளிப்படுத்தினார். ஆட்டத்தின் 21-வது நிமிடத்தில் கிரிஸ்மான் முதல் கோலை பதிவு செய்தார். இதனால் முதல் பாதி நேரத்தில் அட்லெடிகோ மாட்ரிட் 1-0 என வெற்றி பெற்றது.

2-வது பாதி நேரத்திலும் கிரிஸ்மான் அபாரமான ஆட்டத்தை வெளிப்படுத்தினார். 2-வது பாதி நேரத்தில் ஆட்டத்தின் 49-வது நிமிடத்தில் மேலும் ஒரு கோல் அடித்தார். 89-வது நிமிடம் காபி ஒரு கோல் அடிக்க 3-0 என அட்லெடிகோ டி மாட்ரிட் வெற்றி பெற்று சாம்பியன் பட்டத்தை கைப்பற்றியது.



கடந்த 2012-ல் அத்லெடிக் பில்பாயோ அணியை வீழ்த்தி சாம்பியன் பட்டம் வென்றது. அதன்பின் தற்போதுதான் அட்லெடிகோ டி மாட்ரிட் சாம்பியன் பட்டத்தை வென்றுள்ளது.