search icon
என் மலர்tooltip icon

    நீங்கள் தேடியது "Assets Auctions"

    மும்பை குண்டுவெடிப்பு சதிகாரன் தாவூத் இப்ராகிமின் சொத்துக்கள் முடக்கப்பட்டு வரும் நிலையில் அவரது தாயின் நினைவாக கட்டிய 3 மாடி வீடு ஏலம் விடப்படுகிறது. #dawoodibrahim #Property
    மும்பை:

    மும்பை குண்டுவெடிப்பு சதிகாரன் தாவூத் இப்ராகிம் இந்தியாவில் இருந்து தப்பி பாகிஸ்தானில் தலைமறைவாக இருக்கிறான். அவனுக்கு 28 ஆண்டுகளாக பாகிஸ்தான் அரசாங்கம் அடைக்கலம் கொடுத்து இருக்கிறது.

    தாவூத் இப்ராகிம்மை இந்தியா கொண்டுவர மத்திய அரசு பல நடவடிக்கைகளை எடுத்தும் பாகிஸ்தான் அரசு தங்களிடம் தாவுத் இப்ராகிம் இல்லை என மறுத்துள்ளது.

    இதற்கிடையே மும்பையில் உள்ள தாவூத் இப்ராகிமின் சொத்துக்கள் முடக்கப்பட்டுள்ளது. அந்தச் சொத்துக்களை ஏலம் விட நடவடிக்கை எடுக்க வேண்டும் என்று சுப்ரீம் கோர்ட்டில் இந்து மகாசபா வக்கீல் ஒருவர் மனுதாக்கல் செய்தார்.



    இந்த மனுமீது நீதிபதிகள் விசாரணை நடத்தி தாவூத் இப்ராகிம் சொத்துக்களை ஏலம்விட உத்தரவிட்டனர். அதன்படி தாவூத் இப்ராகிம் சொத்துக்கள் ஏலம் விடப்பட்டு வருகிறது. தாவூத் பயன்படுத்திய கார்கள் சில வகையான கட்டிடங்கள் ஏலம்விடப்பட்டன.

    மும்பையின் பாக்மோ டியா தெருவில் தாவூத் இப்ராகிம்க்கு சொந்தமான 3 மாடிக்கட்டிடம் உள்ளது. இங்குதான் தாவூத் இப்ராகிமின் தாயார் அமினா பி வசித்து வந்தார். இதனால் தாயாரின் நினைவாக அந்த கட்டிடத்துக்கு அமினா பி-என்ற பெயரை சூட்டியுள்ளான். தனது தாயை பொக்கி‌ஷமாக பாதுகாத்து வந்தான்.

    இந்த கட்டிடம் அடுத்த கட்டமாக ஏலத்துக்கு வருகிறது. இந்த கட்டிடத்தின் குறைந்தபட்ச ஏலத் தொகையாக ரூ.79.43 லட்சம் நிர்ணயிக்கப்பட்டு உள்ளது. ஏலத்தில் கலந்துகொள்வோர் ரூ.25 லட்சம் டெபாசிட் செலுத்த வேண்டும் என்று நிபந்தனை விதிக்கப்பட்டுள்ளது.

    வருகிற 31-ந்தேதி காலை யஷ்வந்த் ராவ் சவான் கலாச்சார மைய அரங்கத்தில் நடைபெறுகிறது.

    தற்போது ஏலத்துக்கு வந்த கட்டிடத்தின் எதிரே தம்பர்வாலா கட்டிடம் உள்ளது. இதில் தாவூத் இப்ராகிமின் சகோதரர் இக்பால் கஸ்கர் வசித்து வந்தார். எதிரில் உள்ள கட்டிடம் ஏலத்துக்கு வருவதால் இக்பால் கஸ்கக் மும்பை நாக்பாடாலில் வசிக்கும் சகோதரி ஹசீனா பார்க்கரின் வீட்டுக்கு மாறிவிட்டார்.

    இக்பால் இந்த ஆண்டு தொடக்கத்தில் பணம் பறிப்பு வழக்கு தொடர்பாக கைது செய்யப்பட்டார் என்பது குறிப்பிடத்தக்கது.#dawoodibrahim #Property
    ×