ஹோன்டா நிறுவனத்தின் புதிய தலைமுறை அமேஸ் கார் சில மாதங்களுக்கு முன் இந்தியாவில் அறிமுகம் செய்யப்பட்டது. இந்தியாவில் புதிய அமேஸ் விலை ரூ.5.59 லட்சம் என நிர்ணயம் செய்யப்பட்டு இருந்த நிலையில் இதன் விலை சில தினங்களுக்கு மாற்றப்பட்டு தற்சமயம் ரூ.5.81 லட்சம் ஆக அதிகரிக்கப்பட்டது.
இந்நிலையில் புதிய அமேஸ் விற்பனை துவங்கிய மூன்றே மாதங்களில் 30,000 யூனிட்கள் விற்பனையாகி இருப்பதாக அறிவிக்கப்பட்டுள்ளது. அந்த வகையில் 20 வருட ஹோன்டா விற்பனையில் இது புதிய மைல்கல் சாதனையாக அமைந்துள்ளது.
புதிய தலைமுறை அமேஸ் மாடல்களின் விலை அதன் வேரியன்ட்களுக்கு ஏற்ப ரூ.11,000 முதல் ரூ.31,000 வரை அதிகரிக்கப்பட்டுள்ளது. இந்தியாவில் புதிய அமேஸ் செடான் மாடலுக்கு சிறப்பான வரவேற்பு கிடைத்திருக்கிறது. ஜூலை 2018-இல் மட்டும் சுமார் 10,180 அமேஸ் யூனிட்கள் விற்பனையாகியுள்ளன.
இது ஹோன்டா கார் விற்பனையில் மிக சிறப்பான ஒன்றாக பார்க்கப்படுகிறது. ஜூன் 2018-இல் ஹோன்டா நிறுவனம் 9,103 அமேஸ் யூனிட்களும், மே மாதத்தில் 9,879 யூனிட்கள் விற்பனை செய்திருந்தது. ஹோன்டா சிட்டி மாடலுக்கு மாற்றாக புதிய அமேஸ் இந்தியாவில் அதிகம் விற்பனையாகும் மாடலாக இருக்கிறது.
2018 ஆட்டோ எக்ஸ்போவில் அறிமுகம் செய்யப்பட்ட புதிய தலைமுறை அமேஸ் பெட்ரோல் மற்றும் டீசல் இன்ஜின் ஆட்டோமேடிக் கியர்பாக்ஸ் வழங்கப்படுகிறது. இத்துடன் மேனுவல் கியர்பாக்ஸ் ஆப்ஷனும் வழங்கப்படுகிறது.
#Honda #automobile
