search icon
என் மலர்tooltip icon

    செய்திகள்

    ஜான் போல்டன்
    X
    ஜான் போல்டன்

    அமெரிக்க தேர்தலில் மீண்டும் வெற்றி பெற சீன அதிபர் உதவியை நாடிய டிரம்ப் - புதிய குற்றச்சாட்டு

    அமெரிக்க தேர்தலில் மீண்டும் வெற்றிபெற சீன அதிபர் ஜி ஜின்பிங்கின் உதவியை டொனால்டு டிரம்ப் நாடினார், என முன்னாள் தேசிய பாதுகாப்பு ஆலோசகர் குற்றம்சாட்டியுள்ளார்.
    வாஷிங்டன்:

    அமெரிக்க முன்னாள் தேசிய பாதுகாப்பு ஆலோசகர் ஜான் போல்டன் ஒரு வெள்ளை மாளிகை நினைவுகள் என்ற தலைப்பில் புத்தகம் ஒன்றை எழுதி உள்ளார். புத்தகம் அடுத்த வாரம் அதிகாரப்பூர்வமாக வெளியிட திட்டமிடப்பட்டுள்ளது.
     
    இந்த நிலையில் புத்தகத்தின் ஒரு பகுதி வால் ஸ்ட்ரீட் ஜர்னல், நியூயார்க் டைம்ஸ் மற்றும் வாஷிங்டன் போஸ்ட் ஆகிய  பத்திரிகைகளில் வெளியிடப்பட்டு உள்ளது.

    ஜனாதிபதி டொனால்ட் டிரம்ப் தனது சீனப் அதிபர் ஜி ஜின்பிங்கிடம் தனிப்பட்ட முறையில் 2020 அமெரிக்க ஜனாதிபதித் தேர்தலில் வெற்றிபெற உதவுமாறு கேட்டுக் கொண்டதாக தனது புதிய புத்தகத்தில் கூறியுள்ளார்.

    டொனால்டு டிரம்ப், ஜான் போல்டன்


    மேலும் புத்தகத்தில் உய்குர் முஸ்லிம்களை பெருமளவில் தடுத்து வைப்பதற்காக சீனா வதை முகாம்களைக் கட்டுவதாக கடந்த ஆண்டு டிரம்பிடம் ஷி கூறியபோது, ​​டிரம்ப், முகாம்களைக் கட்டியெழுப்பி முன் செல்ல வேண்டும் என்று டிரம்ப் கூறினார், மேலும் இது சரியான செயலாகும் என்று அவர் நினைத்தார் என அதில் கூறி உள்ளார்.

    அவர் விரும்பிய சர்வாதிகாரிகளுக்கு தனிப்பட்ட உதவிகளை வழங்குவதற்கான குற்றவியல் விசாரணையை நிறுத்த அமெரிக்க ஜனாதிபதி விருப்பம் தெரிவித்ததாக அந்த புத்தகத்தில் போல்டன் குறிப்பிட்டு உள்ளார்.

    ஆனால் இதனை டொனால்டு டிரம்ப் மறுத்து உள்ளார்."அவர் ஒரு பொய்யர்" "வெள்ளை மாளிகையில் எல்லோரும் ஜான் போல்டனை வெறுத்தனர் என கூறி உள்ளார்.

    போல்டன்  ஒப்பந்தங்களை மீறியதாகவும், இரகசிய தகவல்களை அம்பலப்படுத்துவதன் மூலம் தேசிய பாதுகாப்பை ஆபத்தில் ஆழ்த்துவதாகவும் அவரது புத்தகத்திற்கு தடை கோரி அமெரிக்க அரசு நீதிமன்றத்தை நாடி உள்ளது.
    Next Story
    ×