சோனி அடுத்த ஃபிளாக்ஷிப் ஸ்மார்ட்போன்: புதிய தகவல்

புதுடெல்லி:

சோனி நிறுவனத்தின் அடுத்த ஃபிளாக்ஷிப் ஸ்மார்ட்போன் சார்ந்த தகவல்கள் ரகசியமாக வைக்கப்பட்டிருந்த நிலையில், புதிய சோனி ஸ்மார்ட்போனின் சில தகவல்கள் இணையத்தில் கசிந்துள்ளது. அந்த வகையில் சமீபத்தில் வெளியாகியுள்ள தகவல்கள் கீக்பென்ச் தளத்தில் தெரியவந்துள்ளது.

கீக்பென்ச் தளத்தில் வெளியாகியுள்ள புதிய தகவல்களின் படி புதிய சோனி ஸ்மார்ட்போன் குவால்காம் ஸ்னாப்டிராகன் 845 சிப்செட் கொண்டிருக்கும் என கூறப்படுகிறது. இந்த தகவல் இன்னும் அதிகாரப்பூர்வமாக உறுதி செய்யப்படாத நிலையில், இந்த ஸ்மார்ட்போன் எக்ஸ்பீரியா XZ2 என அழைக்கப்படலாம் என கூறப்படுகிறது.


எக்ஸ்பீரியா XZ2 ஸ்மார்ட்போனில் பெசல்-லெஸ் வடிவமைப்பு, டூயல் பிரைமரி கேமரா அமைப்பு, இரண்டிலும் 12 எம்பி கேமரா வழங்கப்படலாம் என கூறப்படுகிறது. புதிய ஸ்மார்ட்போன் சார்ந்து வெளியாகியுள்ள புகைப்படங்களில் ஐபோன் X போன்ற தோற்றம் கொண்டுள்ளது.

இதுவரை வெளியாகியுள்ள தகவல்களின் படி சோனி எக்ஸ்பீரியா XZ2 ஸ்மார்ட்போனில் 5.48 இன்ச் ஃபுல் எச்டி டிஸ்ப்ளே, மெட்டல் யுனிபாடி வடிவமைப்பு கொண்டிருக்கும் என கூறப்படுகிறது. இத்துடன் ஆண்ட்ராய்டு 8.1 ஓரியோ இயங்குதளம், 64 ஜிபி இன்டெர்னல் மெமரி, 3130 எம்ஏஎச் பேட்டரி மற்றும் குவிக் சார்ஜிங் தொழில்நுட்பம் வழங்கப்படும் என்றும் ஸ்னாப்டிராகன் 845 சிப்செட் கொண்டிருக்கும் என கூறப்படுகிறது.

குவால்காம் புதிய பிராசஸர் முந்தைய ஸ்னாப்டிராகன் 835 சிப்செட்-ஐ விட 30 சதவிகிதம் வரை பேட்டரியை சேமிக்கும் என்றும் புதிய சிப்செட் குவிக் சார்ஜ் 4 வசதியை கொண்டிருக்கிறது. அந்த வகையில் ஸ்மார்ட்போனினை 0-50% சார்ஜ் செய்ய 15 நிமிடங்களே போதுமானது. இத்துடன் புதிய ஸ்மார்ட்போனில் 4K தர வீடியோ பதிவு செய்ய முடியும் என்றும் 720 பிக்சல் தரத்தில் ஸ்லோ-மோ வீடியோக்களை பதிவு செய்ய முடியும் என கூறப்படுகிறது.