என் மலர்
தமிழ்நாடு செய்திகள்
லைவ் அப்டேட்ஸ்: திராவிடமும், தமிழ் தேசியமும் இரண்டு கண்கள் - த.வெ.க. தலைவர் விஜய்
- தமிழக வெற்றிக் கழகத்தின் முதல் மாநாடு பிரம்மாண்டமாக இன்று மாலை நடைபெற உள்ளது.
- தொண்டர்கள் மாநாட்டிற்காக இன்று அதிகாலை முதலே சாரை சாரையாக வந்துக் கொண்டிருக்கின்றனர்.
விழுப்புரம் மாவட்டம், விக்கிரவாண்டியில் உள்ள வி.சாலையில் தமிழக வெற்றிக் கழகத்தின் முதல் மாநாடு பிரம்மாண்டமாக இன்று மாலை நடைபெற உள்ளது.
விஜய் கட்சி மாநாட்டுக்கான பிரமாண்ட ஏற்பாடுகள் காரணமாக வி.சாலை பகுதி மட்டுமின்றி விழுப்புரம் மாவட்டமே விழாக்கோலம் பூண்டுள்ளது. வி.சாலை விஜய்யின் வியூகச் சாலையாக மாறி, மாபெரும் அரசியல் சரித்திரத்தை நிகழ்த்தி காட்டும் என்ற எதிர்பார்ப்புடன் தொண்டர்கள் மாநாட்டிற்காக இன்று அதிகாலை முதலே சாரை சாரையாக வந்துக் கொண்டிருக்கின்றனர்.
இந்நிலையில், இன்னும் சற்று நேரத்தில் மாநாடு தொடங்க இருக்கிறது. த.வெ.க. முதல் மாநில மாநாடு தொடங்குவதை அடுத்து துணை முதலமைச்சர் உதயநிதி ஸ்டாலின் த.வெ.க. தலைவர் விஜய்-க்கு வாழ்த்து தெரிவித்துள்ளார்.
Live Updates
- 27 Oct 2024 1:04 PM IST
த.வெ.க மாநாட்டில், மதவாதத்திற்கு எதிரான கருத்துகளை விஜய் அழுத்தமாக தெரிவிப்பார் எனவும், அம்பேத்கர் கொள்கைகளையும் தொண்டர்களிடம் விஜய் எடுத்துக் கூறுவார் என தகவல் வெளியாகியுள்ளது.
- 27 Oct 2024 1:00 PM IST
த.வெ.க மாநாட்டில் பெரியார் கருத்துகளை முன்மொழியும் விதமாக பெண் விடுதலை, பெண்கள் அதிகாரத்திற்கு வரவேண்டியதன் அவசியம் குறித்து பேசுவார் எனத் தகவல்.
- 27 Oct 2024 12:59 PM IST
த.வெ.க மாநாட்டில் விஜய் உரையில் ஊழலுக்கு எதிராக நிறைய கருத்துகள் இருக்கும் எனத் தகவல் வெளியாகியுள்ளது. மேலும், மாணவர்கள், இளைஞர்கள் பொது வாழ்க்கையில் இருக்க வேண்டிய அவசதியம், தேவை குறித்து பேச வாய்ப்பு.
27 Oct 2024 12:45 PM ISTமாநாட்டு திடலுக்கு விஜய் வருகை தந்துள்ளார். கேரவனில் நிர்வாகிகளுடன் ஆலோசனை நடத்தி வருவதாக தகவல் வெளியாகியுள்ளது.
- 27 Oct 2024 12:41 PM IST
த.வெ.க மாநாட்டால் 10 முதல் 15 கி.மீ தூரத்திற்கு போக்குவரத்து ஸ்தம்பித்துள்ளது. இதனால், வி.சாலை பகுதியில் இருந்து முண்டியம்பாக்கம் வரை வாகனங்கள் அணிவகுத்து நிற்கின்றன.
- 27 Oct 2024 12:37 PM IST
த.வெ.க புதிய பயணம் வெற்றியடைய விஜய்க்கு கார்த்திக் சுப்புராஜ் வாழ்த்து தெரிவித்தார்.
- 27 Oct 2024 12:33 PM IST
த.வெ.க முதல் மாநில மாநாடு சிறக்க விஜய் மற்றும் தொண்டர்களுக்கு விஜய் சேதுபதி வாழ்த்துகள் தெரிவித்துள்ளார்.
- 27 Oct 2024 12:27 PM IST
த.வெ.க மாநாடு நடப்பதையொட்டி, முன்னெச்சரிக்கை நடவடிக்கையாக விழுப்புரம், முண்டியம்பாக்கம், விக்கிரவாண்டி பகுதிகளில் டாஸ்மாக் கடைகளை இன்று திறக்க வேண்டாம் என்று நிர்வாகம் உத்தரவிட்டுள்ளது.
- 27 Oct 2024 12:18 PM IST
த.வெ.க முதல் மாநில மாநாட்டின் நிகழ்ச்சி நிரல் வெளியானது. அதன்படி, 2 மணிக்கு மேல் கலை நிகழ்ச்சி தொடங்குகிறது. 4 மணி முதல் 4.30 மணிக்குள் விஜய் கொடி ஏற்றுகிறார். 6 மணிக்கு விழா மேடையில் சிறப்புரை ஆற்றுகிறார்.
- 27 Oct 2024 12:13 PM IST
மாநாடு இன்று மாலை 4 மணிக்கு தொடங்கும் என தெரிவிக்கப்பட்ட நிலையில், தற்போதே லட்சக்கணக்கான தொண்டர்கள் காத்திருக்கும் நிலையில், முன்கூட்டியே மாநாடு தொடங்க வாய்ப்பு.
