என் மலர்
தமிழ்நாடு செய்திகள்
மாமல்லபுரம்-புதுச்சேரி இடையே கரையைக் கடந்தது ஃபெஞ்சல் புயல்- லைவ் அப்டேட்ஸ்
- ஃபெஞ்சல் புயல் கரையை கடக்கும் நேரத்தில் 70 முதல் 90 கி.மீ. வேகத்தில் காற்று வீசக்கூடும் என தெரிவிக்கப்பட்டுள்ளது.
- சென்னை உள்பட வடமாவட்டங்களில் கனமழை பெய்து வருகிறது
வங்கக்கடலில் உருவான தீவிர காற்றழுத்த தாழ்வு மண்டலம் ஃபெஞ்சல் புயலாக உருவாகி இன்று மதியம் மாமல்லபுரம்- காரைக்காலுக்கு இடையே புதுச்சேரிக்கும், சென்னைக்கும் இடையே கரையை கடக்கக்கூடும் என்று வானிலை ஆய்வு மையம் தெரிவித்துள்ளது.
இந்த நிலையில், ஃபெஞ்சல் புயல் இன்று மணிக்கு 7 கி.மீ. வேகத்தில் நகருவதாக வானிலை ஆய்வு மையம் தெரிவித்துள்ளது.
சென்னையில் இருந்து 190 கி.மீ. தொலைவில் உள்ள ஃபெஞ்சல் புயல் இன்று கரையைக் கடக்கும் போது அதி கனமழை பெய்யும் என்று தெரிவிக்கப்பட்டுள்ளது.
ஃபெஞ்சல் புயல் கரையை கடக்கும் நேரத்தில் 70 முதல் 90 கி.மீ. வேகத்தில் காற்று வீசக்கூடும் என்று வானிலை ஆய்வு மையம் தெரிவித்துள்ளது.
Live Updates
- 30 Nov 2024 5:36 PM IST
புயல் மழை காரணமாக சென்னையில் 55 விமானங்கள் ரத்து செய்யப்பட்டுள்ளது. ஃபெஞ்சல் புயல் காரணமாக சென்னை விமான நிலையம் நாளை அதிகாலை 4 மணி வரை விமான மூடப்படுவதாக அறிவிக்கப்பட்டுள்ளது.
- 30 Nov 2024 5:36 PM IST
ஃபெஞ்சல் புயல் சென்னைக்கு 90 கி.மீ- மாமல்லபுரத்தில் இருந்து 50 கி.மீ- புதுச்சேரியில் இந்து 80 கி.மீ தொலைவிலும் நிலைகொண்டுள்ளது.
மாமல்லபுரம்- மரக்காணம் இடையே புயல் கரையை கடக்கும் என வானிலை ஆய்வு மையம் தெரிவித்துள்ளது.
- 30 Nov 2024 5:11 PM IST
சென்னையில் நாளை நடைபெற இருந்த வங்கித் தேர்வுகளை ஒத்திவைத்தது IIB&F நிறுவனம். வங்கித் தேர்வு எந்தத் தேதியில் நடைபெறும் என்பது பின்னர் அறிவிக்கப்படும் என்று தெரிவிக்கப்பட்டுள்ளது.
- 30 Nov 2024 4:09 PM IST
ஃபெஞ்சல் புயல் எதிரொலியால் பெய்து வரும் கனமழையை தொடர்ந்து, மழை கட்டுப்பாட்டு மையத்தில் துணை முதல்வர் உதயநிதி ஸ்டாலின் நேரில் ஆய்வு செய்து வருகிறார்.
போர்க்கால அடிப்படையில் அனைத்து பணிகளும் தீவிரம்- உதயநிதி ஸ்டாலின்
- 30 Nov 2024 3:35 PM IST
சென்னை நுங்கம்பாக்கத்தில் காலை 5 மணி முதுல் 8.30 மணி வரை 45 மிமீ மழை பதிவு- வானிலை ஆய்வு மையம்
- 30 Nov 2024 2:55 PM IST
ஃபெஞ்சல் புயுல் காரணமாக புதுச்சேரி திரையரங்குகளில் இன்று மாலை மற்றும் இரவு காட்சிகள் ரத்து செய்து மாவட்ட ஆட்சியர் உத்தரவிட்டுள்ளார்.
- 30 Nov 2024 2:51 PM IST
சென்னை மற்றும் புதுவைக்கு 100 கி.மீ தொலைவில் ஃபெஞ்சல் புயல் மையம் கொண்டுள்ளது. 13 கி.மீ வேகத்தில் நகர்ந்து வந்த ஃபெஞ்சல் புயலின் வேகம் தற்போது 10 கி.மீ வேகமாக குறைந்துள்ளது.


















