மதுரை பாராளுமன்ற தொகுதியில் மார்க்சிஸ்ட் வேட்பாளர் வெங்கடேசன் வெற்றி

மதுரை:

பாராளுமன்றத் தேர்தலில் பதிவான வாக்குகள் நேற்று எண்ணப்பட்டன. தமிழகம் மற்றும் புதுவையில் தேர்தல் நடைபெற்ற 39 பாராளுமன்றத் தொகுதிகளில் திமுக கூட்டணி 38 தொகுதிகளில் வெற்றி பெற்றுள்ளது.

மதுரை தொகுதியில் மார்க்சிஸ்ட் கம்யூனிஸ்ட் வேட்பாளர் வெங்கடேசன் 4,42,935 வாக்குகள் பெற்று வெற்றி பெற்றுள்ளார். அடுத்த இடத்தில் அதிமுக வேட்பாளர் ராஜ் சத்தியன் 3,06,256 வாக்குகள் பெற்றார்.

மக்கள் நீதி மய்யம் வேட்பாளர் அழகர் 84 ஆயிரத்து 656 வாக்குகளும், அமமுக வேட்பாளர் டேவிட் அண்ணாதுரை 85 ஆயிரத்து 046 வாக்குகளும், நாம் தமிழர் கட்சி வேட்பாளர் பாண்டியம்மாள் 42 ஆயிரத்து 576 வாக்குகளும் பெற்றனர்.