நெய்மர் பார்சிலோனாவுக்கு வர வாய்ப்பு உள்ளது: மெஸ்சி சொல்கிறார்

பிரேசில் நாட்டின் நட்சத்திர கால்பந்து வீரர் நெய்மர். இவர் ஸ்பெயினில் உள்ள பார்சிலோனா அணிக்காக விளையாடி வந்தார். அதன்பின் மிகப்பெரிய தொகைக்கு பிரான்சில் உள்ள பிரான்ஸ் செயின்ட் ஜெர்மைன் அணிக்கு மாறினார்.

ஆனால் நெய்மர் பிஎஸ்ஜி அணியில் மகிழ்ச்சியாக விளையாடவில்லை. இதனால் மீண்டும் பார்சிலோனா அணிக்கு திரும்புவார் என்று எதிர்பார்க்கப்பட்டது. ஆனால் டிரான்ஸ்பர் பீஸ் விவகாரத்தால் தள்ளிப் போகிறது.

இந்நிலையில் நெய்மர் மீண்டும் பார்சிலோனா அணிக்கு திரும்ப வாய்ப்புள்ளதாக மெஸ்சி தெரிவித்துள்ளார். இதுகுறித்து மெஸ்சி கூறுகையில் ‘‘பார்சிலோனா அணிக்கு திரும்புவதற்கு ஆர்வமாக இருப்பதை ஏற்கனவே அவர் வெளிப்படுத்தியுள்ளார். நடந்ததற்காக அவர் வருத்தம் தெரிவித்துள்ளார்’’ என்றார்.

மெஸ்சி ஆதரவு தெரிவிப்பதால் நெய்மர் லா லிகாவில் விளையாட வாய்ப்புள்ளதாக கூறப்படுகிறது.