பிக் பாஷ் டி20 லீக்கில் ஹாட்ரிக் விக்கெட் வீழ்த்திய ரஷித் கான்

ஆஸ்திரேலியாவில் பிக் பாஷ் டி20 லீக் கிரிக்கெட் தொடர் நடைபெற்று வருகிறது. இன்று நடைபெற்ற ஆட்டத்தில் சிட்னி சிக்சர்ஸ் - அடிலெய்டு ஸ்டிரைக்கர்ஸ் அணிகள் மோதின.

முதலில் பேட்டிங் செய்த அடிலெய்டு ஸ்டிரைக்கர்ஸ் 135 ரன்னில் சுருண்டது. பின்னர் 136 ரன்கள் அடித்தால் வெற்றி என்ற இலக்குடன் சிட்னி சிக்சர்ஸ் பேட்டிங் செய்தது.

11-வது ஓவரை ரஷித் கான் வீசினார். இந்த ஓவரின் ஐந்தாவது பந்தில் ஜேம்ஸ் வின்ஸ் 20 பந்தில் 27 ரன்கள் எடுத்த நிலையில் ஆட்டமிழந்தார். அடுத்த பந்தில் எட்வர்ட்ஸ் ரன்ஏதும் எடுக்காமல் எல்பிடபிள்யூ ஆனார்.

13-வது ஓவரை ரஷித் கான் வீசினார். இந்த ஓவரின் முதல் பந்தில் சில்க் க்ளீன் போல்டானார். இதன்மூலம் ஹாட்ரிக் விக்கெட் வீழ்த்தி அசத்தினார். என்றாலும் சிட்னி சிக்சர்ஸ் 18.4 ஓவரில் 8 விக்கெட் இழப்பிற்கு 137 ரன்கள் எடுத்து இரண்டு விக்கெட் வித்தியாசத்தில் வெற்றி பெற்றது.

ரஷித் கான் 4 ஓவரில் 22 ரன்கள் விட்டுக்கொடுத்து நான்கு விக்கெட்டுக்கள் வீழ்த்தினார்.

🗣️ Rashid Khan's got a hat-trick on Josh Hazlewood's birthday! #BBL09pic.twitter.com/4alJfpWzCY

— KFC Big Bash League (@BBL) January 8, 2020