இந்தியா - வங்காளதேசம் அணிகளுக்கு இடையிலான முதல் டெஸ்ட் இந்தூரில் நடைபெற்றது. இதில் இந்தியா இன்னிங்ஸ் மற்றும் 130 ரன்கள் வித்தியாசத்தில் அபார வெற்றி பெற்றது. சுழற்பந்து வீச்சுக்கு சாதகமாக இருக்கும் இந்திய ஆடுகளத்தில் சமீப காலமாக இந்திய வேகப்பந்து வீச்சாளர்கள் அபாரமாக பந்து வீசி வருகின்றனர்.
குறிப்பாக முகமது ஷமி முதல் இன்னிங்சில் 3 விக்கெட்டும், 2-வது இன்னிங்சில் நான்கு விக்கெட்டும் வீழ்த்தினார். கடந்த இரண்டு ஆண்டுகளில் முகமது ஷமி 2-வது இன்னிங்சில் அசத்தி வருகிறார்.
அவர் 20 இன்னிங்சில் 51 விக்கெட்டுக்கள் வீழ்த்தியுள்ளார். சராசரி 17. ஸ்டிரைக் ரேட் 32.2. 2017-ம் ஆண்டு நவம்பர் மாதத்தில் இருந்து தற்போது வரை 2-வது இன்னிங்சில் 25 விக்கெட்டுக்களுக்கு மேல் வீழ்த்தியவர்களில் இவர்தான் கிங்.
பேட் கம்மின்ஸ் 48 விக்கெட்டுக்களும், தென்ஆப்பிரிக்காவின் காகிசோ ரபாடா 34 விக்கெட்டுக்களும், ஜடேஜா 32 விக்கெட்டுக்களும், பும்ரரா 29 விக்கெட்டுக்களும் வீழ்த்தியுள்ளனர்.
