இந்திய கிரிக்கெட்டின் முன்னாள் வீரர் பரூக் என்ஜினீயர். இவர் நேற்று நடைபெற்ற நிகழ்ச்சி ஒன்றில் கலந்து கொண்டார். அப்போது ‘‘இந்திய அணியின் தேர்வுக்குழு உறுப்பினர் கேப்டன் விராட் கோலியின் மனைவி அனுஷ்கா சர்மாவுக்கு தேனீர் வாங்கி கொடுக்கும் வேலையை பார்த்தனர்’’ என்று கூறினார். அத்துடன் தேர்வுக்குழுவை கடுமையாக சாடினார்.
ஆனால், அனுஷ்கா சர்மாவுக்கு தேர்வுக்குழு உறுப்பினர் தேனீர் கோப்பை சுமந்ததாக வெளியான செய்தி கடும் விமர்சனத்தை எழுப்பியது. இந்த விமர்சனத்திற்கு அனுஷ்கா சர்மா நீண்ட கடிதம் மூலம் விளக்கம் அளித்து, கண்டனத்தையும் தெரிவித்திருந்தார்.
இந்நிலையில் நான் வேடிக்கையாக கூறிய கருத்து பெரிதாக்கப்பட்டுள்ளது. மனம் புண்படுவதாக அனுஷ்கா சர்மா உணர்ந்தால், மன்னிப்பு கேட்டுக்கொள்கிறேன் என பரூக் என்ஜினீயரிங் தனது விளக்கத்தை வெளிப்படுத்தியுள்ளார்.
பரூப் என்ஜினீயர் தனது விளக்க உரையில் ‘‘நான் பேசிய கருத்து உண்மைதான். ஆனால் நான் அனுஷ்கா சர்மாவை விமர்சனம் செய்யவில்லை. அவர் மிகவும் அன்பான, அழகான பெண். அவர் நல்ல மனிதர். அவரும், விராட் கோலியும் ரோல் மாடலாக உள்ளனர். நான் அவருக்கு எதிரானவர் அல்ல.
புண்படுவதாக அவர் உணர்ந்தால், நான் மன்னிப்பு கேட்டுக்கொள்கிறேன். மிகவம் மோசமானதாக உணர்ந்தால், அதற்காக வருந்துகிறேன். தேர்வாளர்கள் அவர்களுடைய வேலையை சரியாக செய்யாததால், கடுமையாக விமர்சனம் செய்தேன். அனுஷ்கா சர்மா அல்லது விராட் கோலிக்கு எதிராக ஏதும் இல்லை.
நான் வேடிக்கையாக சொன்ன ஒரு சிறிய கருத்து மிகப்பெரிய அளவில் மிகைப்படுத்தி விமர்சனத்திற்கு உள்ளாக்கப்பட்டுள்ளது’’ என்றார்.
