இந்தியாவின் முன்னணி குத்துச் சண்டை வீரர் மேரி கோம். 51 கிலோ எடைப்பிரிவில் கலந்து கொண்டு விளையாடி வரும் இவர் 8 முறை உலகசாம்பியன்ஷிப் பட்டத்தை வென்று சாதனைப் படைத்துள்ளார்.
இதே பிரிவில் விளையாடும் மற்றொரு இளம் வீராங்கனை நிகத் ஜரீன். மேரி கோம் விளையாடுவதால் முக்கியமான தொடரில் இந்தியா சார்பிவில் விளையாட 23 வயதாகும் நிகத் ஜரீனுக்கு வாய்ப்பு கிடைப்பதில்லை.
ஒரு பிரிவில் இரண்டு பேர் இருந்தால் அவர்களுக்கு இடையில் டிரையல் வைத்து அதில் வெற்றி பெறும் நபர் முக்கிய தொடருக்கு அனுப்பப்படுவார்கள். ஆனால், மேரி கோமுக்கு தனிச்சிறப்பு முறையில் டிரையலில் பங்கேற்காமலேயே அனுமதி வழங்கப்பட்டு வருகிறது.
இதனால் விரக்தியடைந்த நிகத் ஜரீன் கடிதம் ஒன்றை டுவிட்டர் மூலம் விளையாட்டுத்துறை அமைச்சர் கிரண் ரிஜிஜுக்கு அனுப்பியிருந்தார்.
அதற்கு கிரண் ரிஜிஜு பதில் அளித்துள்ளார். அதில் ‘‘இந்தியாவுக்கு சிறப்பு சேர்ப்பதை மனதில் வைத்து இதுகுறித்து சிறந்த முடிவை எடுங்கள் என்று பாக்சிங் இந்தியாவுக்கு உறுதியாக தெரிவிப்பேன். மேலும், வீரர்கள் தேர்வு குறித்த விவகாரத்தில் மந்திரிகளில் தலையிடக்கூடாது. பெடரேசன்கள் தன்னாட்சி பெற்ற ஒலிம்பிக் சங்கத்திற்கு கீழ் செயல்பட்டு வருகின்றன’’ என தெரிவித்துள்ளார்.
இதனால் பாக்சிங் இந்தியா எடுக்கும் முடிவுக்கு நிகத் ஜரீன் கட்டுப்பட்டாக வேண்டும்.
