ஆஸ்திரேலியா - இந்தியா இடையிலான 3-வது டெஸ்ட் போட்டி மெல்போர்னில் நடைபெற்று வருகிறது. 2-வது இன்னிங்சில் பேட் கம்மின்ஸின் அபார பந்து வீச்சால் இந்தியாவின் விக்கெட்டுக்கள் மளமளவென சரிந்தன. இந்திய அணியின் ஸ்கோர் 5 விக்கெட் இழப்பிற்கு 44 ரன்னாக இருக்கும்போது 6-வது விக்கெட்டுக்கு மயாங்க் அகர்வால் உடன் ரிஷப் பந்து ஜோடி சேர்ந்தார்
ரிஷப் பந்த் பேட்டிங் செய்து கொண்டிருக்கும்போது ஆஸ்திரேலியா அணியின் விக்கெட் கீப்பரும், கேப்டனும் ஆன டிம் பெய்ன் அவரை சீண்டினார். டிம் பெய்ன் சீண்டியது ஸ்டம்ப் மைக்கில் பதிவாகியுள்ளது.
ரிஷப் பந்த் பற்றி டிம் பெய்ன் கூறுகையில் ‘‘தற்போது ஒருநாள் போட்டிக்கான இந்திய அணியில் எம்எஸ் டோனி இடம்பிடித்துள்ளார். இதனால் நீங்கள் பிக்பாஷ் டி20 லீக்கில் ஹோபர்ட் ஹரிகேன்ஸ் அணிக்காக விளையாடலாம். நதிக்கரையோரம் அமைந்துள்ள மிகவும் அழகான நகரம்’’ என்றார்.
முதல் இன்னிங்சில் இந்தியா பேட்டிங் செய்யும்போது ஐபிஎல் தொடர் குறித்து ரோகித் சர்மாவை கிண்டல் அடித்தார் என்பது குறிப்பிடத்தக்கது.
