புதுடெல்லி:
இங்கிலாந்தில் சுற்றுப்பயணம் மேற்கொண்டுள்ள இந்திய கிரிக்கெட் அணி டி20 தொடரை கைப்பற்றியது. அதன்பின்னர் 3 போட்டிகள் கொண்ட ஒருநாள் தொடரில் விளையாடி வருகிறது. இதில் முதல் போட்டியில் இந்திய அணியும், இரண்டாவது போட்டியில் இங்கிலாந்து அணியும் வெற்றி பெற்று தொடர் சமநிலையில் உள்ளது. 3-வது மற்றும் கடைசி ஒருநாள் போட்டி நாளை நடைபெற உள்ளது. ஒருநாள் தொடர் முடிந்ததும் 5 போட்டிகள் கொண்ட டெஸ்ட் தொடர் நடைபெற உள்ளது. முதல் போட்டி ஆகஸ்ட் 1-ம் தேதி தொடங்க உள்ளது.
இந்நிலையில், இந்திய அணியின் முன்னணி விக்கெட் கீப்பரான விர்திமான் சகா, டெஸ்ட் போட்டிக்கு திரும்பமாட்டார் என தெரிகிறது. ஐபிஎல் போட்டியின்போது அவரது பெருவிரலில் காயம் ஏற்பட்டது. காயம் இன்னும் குணமடையவில்லை. முழுமையாக குணமடைந்து உடற்தகுதி பெறுவதற்கு நான்கைந்து வாரம் ஆகலாம் என்பதால் இங்கிலாந்து அணிக்கு எதிரான டெஸ்ட் தொடரில் அவர் பங்கேற்பது சந்தேகம் தான். அவருக்குப் பதிராக தினேஷ் கார்த்திக் விக்கெட் கீப்பராக களமிறங்குவார்.
தற்போது நடைபெற்று வரும் ஒருநாள் தொடர் முடிந்ததும், டெஸ்ட் தொடருக்கான வீரர்களை தேர்வுக்குழுவினர் தேர்வு செய்து அறிவிப்பார்கள் என எதிர்பார்க்கப்படுகிறது. #EnglandVsIndia #Saha
