பாகிஸ்தான் - இங்கிலாந்து டெஸ்ட்: இங்கிலாந்து அணியில் சாம் குர்ரான் சேர்ப்பு

லண்டன்:

இங்கிலாந்து சென்றுள்ள பாகிஸ்தான் கிரிக்கெட் அணி இரண்டு போட்டிகள் கொண்ட டெஸ்ட் தொடரில் விளையாடி வருகிறது. லண்டனில் உள்ள லார்ட்ஸ் மைதானத்தில் நடைபெற்ற முதல் டெஸ்ட் போட்டியில் பாகிஸ்தான் அணி அபாரமாக வெற்றி பெற்றது. 

இரு அணிகளுக்கு இடையிலான இரண்டாவது டெஸ்ட் போட்டி, நாளை (ஜூன் 1-ம் தேதி) நடைபெற உள்ளது. இந்த போட்டிக்காக இங்கிலாந்து வீரர்கள் பயிற்சியில் ஈடுபட்டிருந்தனர். அப்போது இங்கிலாந்து வீரர் பென் ஸ்டோக்ஸ்சின் தொடையில் தசைப்பிடிப்பு ஏற்பட்டது. 

இந்த தசைப்பிடிப்பின் தாக்கம் சற்று தீவிரமாக உள்ள நிலையில், பென் ஸ்டோக்சுக்கு பதிலாக, சர்ரே அணியின் ஆல்ரவுண்டர் சாம் குர்ரான் கூடுதலாக சேர்க்கப்பட்டுள்ளார். ஆனால் ஸ்டோக்ஸ் அணியில் இருந்து விலகவில்லை எனவும் தெரிவிக்கப்பட்டுள்ளது. சாம் குர்ரான், இங்கிலாந்து வேகப்பந்து வீச்சாளர் டாம் குர்ரானின் சகோதரர் ஆவார். #ENGvPAK #SamCurran #BenStokes #HamstringInjury