ஐபிஎல் தொடரின் 11-வது சீசன் நடைபெற்று வருகிறது. இதில் சென்னை சூப்பர் கிங்ஸ் அணி 8 வெற்றிகளுடன் பிளேஆஃப்ஸ் சுற்றுக்கு தகுதிப் பெற்றுள்ளது. சென்னை சூப்பர் கிங்ஸ் அணி இரண்டு ஆண்டு தடைக்குப்பின் களமிறங்கி சிறப்பான ஆட்டத்தை வெளிப்படுத்தி வருகிறது. குறிப்பாக அந்த அணியின் கேப்டன் எம்எஸ் டோனி நம்பமுடியாத ஆட்டத்தை வெளிப்படுத்தி வருகிறார்.
இதுவரை முடிந்துள்ள 12 ஆட்டத்தில் 3 அரைசதங்களுடன் 413 ரன்கள் அடித்து 9-வது இடத்தில் உள்ளார். 12 ஆட்டத்தில் 8-ல் நாட்அவுட்டாக உள்ளார். சராசரி 103.25 ஆகும். 29 சிக்சர்கள் விளாசி அதிக சிக்சர்கள் அடித்தவர்கள் பட்டியலில் எம்எஸ் டோனி 5-வது இடத்தில் உள்ளார்.
இந்திய அணி 2011-ம் ஆண்டு நடைபெற்ற 50 ஓவர் உலகக்கோப்பையை கைப்பற்றியது. அப்போது இந்திய அணியின் தலைமை பயிற்சியாளராக தென்ஆப்பிரிக்கா முன்னாள் பேட்ஸ்மேன் கேரி கிர்ஸ்டன் பணியாற்றினார்.
இவர் தற்போது ராயல் சேலஞ்சர்ஸ் பெங்களூர் அணியின் பேட்டிங் பயிற்சியாளராக உள்ளார். இவர் ஒரு தொலைக்காட்சிக்கு பேட்டியளித்தார். அப்போது ஐபிஎல் தொடரில் டோனி அபாரமாக விளையாடி வருவது எனக்கு ஆச்சர்யம் அளிக்கவில்லை என்று கூறியுள்ளார்.
