பிக் பாஷ் கிரிக்கெட்: லீக் போட்டியில் பெர்த் ஸ்கார்சர்சை வீழ்த்தியது மெல்போர்ன் ரெனிகேட்ஸ்

மெல்போர்ன்:

இந்தியாவில் ஐ.பி.எல். தொடர் நடத்தப்படுவது போல் ஆஸ்திரேலியாவில் 2017-18-க்கான பிக் பாஷ் லீக் தொடர் 19-ம் தேதி தொடங்கியது. இன்று நடைபெற்ற 10-வது லீக் போட்டியில் மெல்போர்ன் ரெனிகேட்ஸ் - பெர்த் ஸ்கார்சர்ஸ் அணிகள் மெல்போர்ன் மைதானத்தில் மோதின. 

டாஸ் வென்ற பெர்த் ஸ்கார்சர்ஸ் அணி பந்துவீச்சை தேர்வு செய்தது. அதன்படி முதலில் களமிறங்கிய மெல்போர்ன் அணியில் தொடக்க ஆட்டக்காரர் மார்கஸ் ஹாரிஸ் 32 ரன்களும், டாம் கூப்பர் 34 ரன்களும் எடுத்தனர். இதனால் மெல்போர்ன் ரெனிகேட்ஸ் அணி 20 ஓவரில் 9 விக்கெட் இழப்பிற்கு 130 ரன்கள் மட்டுமே எடுத்தது. பெர்த் அணி தரப்பில் மிச்செல் ஜான்சன், அண்ட்ரூ டை அகியோர் தலா மூன்று விக்கெட்கள் கைப்பற்றினர்.

பின்னர் 131 ரன்கள் எடுத்தால் வெற்றி என்ற இலக்குடன் பெர்த் ஸ்கார்சர்ஸ் அணி களமிறங்கியது. அந்த அணியின் தொடக்க ஆட்டக்காரர்களாக களமிறங்கிய மைக்கெல் கிளிங்கர் 37 ரன்களும், டேவிட் வில்லி 31 ரன்களும் எடுத்து ஆட்டமிழந்தனர். அதன்பின் வந்தவர்கள் சீரான இடைவெளியில் ஆட்டமிழந்தனர். இருப்பினும் ஒரு முனையில் கேப்டன் ஆடம் வோஜஸ் சற்றி நிதானமாக விளையாடி 24 ரன்கள் எடுத்தார். பெர்த் அணி 19 ஓவர்களில் 133 ரன்கள் எடுத்து வெற்றி பெற்றது. மெல்போர்ன் அணி பந்துவீச்சில் பிராட் ஹாக் 2 விக்கெட்களும், முகமது நபி, ஜாக் வில்டர்மத், வெய்ன் பிராவோ தலா ஒரு விக்கெட்டும் வீழ்த்தினர். 

அபாரமாக பந்துவீசி நான்கு ஓவர்களில் 13 ரன்கள் விட்டுக்கொடுத்து 3 விக்கெட் வீழ்த்திய பெர்த் ஸ்கார்சர்ஸ் அணியின் மிச்செல் ஜான்சன் ஆட்டநாயகனாக தேர்வு செய்யப்பட்டார். இந்த வெற்றியின் மூலம் பெர்த் ஸ்கார்சர்ஸ் அணி புள்ளிப்பட்டியலில் ஆறு புள்ளிகளுடன் முதல் இடத்திற்கு முன்னேறியது. 

நாளை நடைபெறும் லீக் போட்டியில் ஹோபார்ட் ஹரிகேன்ஸ் - சிட்னி தண்டர் அணிகள் பலப்பரீட்சை செய்கின்றன.

#BigBashLeague #MelbourneRenegades #PerthScorchers