search icon
என் மலர்tooltip icon

    செய்திகள்

    இந்தியாவில் ஜாகுவார் XJ50 வெளியானது
    X

    இந்தியாவில் ஜாகுவார் XJ50 வெளியானது

    ஜாகுவார் நிறுவனத்தின் XJ50 இந்தியாவில் வெளியிடப்பட்டது. புதிய XJ50 அந்நிறுவனத்தின் ஃபிளாக்ஷிப் XJ L மாடலைத் தழுவி உருவாகியுள்ளது. #Jaguar



    ஜாகுவார் நிறுவனத்தின் XJ50 இந்தியாவில் வெளியானது. புது ஸ்பெஷல் எடிஷன் கார் ஜாகுவார் நிறுவனத்தின் XJ L மாடலைத் தழுவி உருவாகி இருக்கிறது. ஜாகுவார் XJ50 முன்னதாக நடைபெற்ற பீஜிங் மோட்டார் விழாவில் அறிமுகம் செய்யப்பட்டது. இந்தியாவில் ஜாகுவார் XJ50 விலை ரூ.1.11 கோடி என நிர்ணயம் செய்யப்பட்டுள்ளது.

    புது ஜாகுவார் XJ50 மாடல் பல்வேறு புது அம்சங்களுடன் அப்டேட் செய்யப்பட்டுள்ளது. ஜாகுவார் தனது ஆடம்பர செடான் மாடலின் ஐம்பது ஆண்டுகள் நிறைவை கொண்டாடும் வகையில் புது காரினை அறிமுகம் செய்துள்ளது. 

    அந்த வகையில் புது காரில் ஆட்டோபயோகிராஃபி-ஸ்டைல் முன்புற மற்றும் பின்புற பம்ப்பர்கள், 19-இன்ச் அலாய் வீல்கள், இலுமினேட் செய்யப்பட்ட டிரெட் பிளேட், பிரைட் மெட்டல் பெடல்கள், டைமன்ட்-குவில்ட் சீட்கள், அனோடைஸ் செய்யப்பட்ட கியர்ஷிஃப்ட் பேடில்கள் உள்ளிட்டவை வழங்கப்பட்டுள்ளது.



    இத்துடன் க்ரோம் ரேடியேட்டர் கிரில் காரின் பக்கவாட்டு மற்றும் பின்புற பகுதிகளில் ஸ்பெஷல் பேட்ஜிங் செய்யப்பட்டுள்ளது. இதுதவிர ஸ்பெஷல் எடிஷன் மாடலை சுற்றி XJ50 பேட்ஜிங் செய்யப்பட்டுள்ளது. அவ்வாறு சீட் ஹெட்ரெஸ்ட்கள், சென்ட்ரல் ஆரம்-ரெஸ்ட்கள் மற்றும் இலுமினேட் செய்யப்பட்ட டிரெட்பிளேட் உள்ளிட்டவற்றில் பெயர் பொறிக்கப்பட்டுள்ளது.

    ஜாகுவார் XJ50 ஸ்பெஷல் எடிஷன் கார்: ஃபுஜி வைட், சேனிடோரினி பிளாக், லியோர் புளு மற்றும் ரோசெலோ ரெட்ஸ் என நான்கு புதிய நிறங்களில் கிடைக்கிறது. ஜாகுவார் XJ50 மாடலில் 3.0-லிட்டர் டீசல் என்ஜின் வழங்கப்பட்டுள்ளது. 

    இந்த என்ஜின் 300 பி.ஹெச்.பி. பவர், 700 என்.எம். டார்கியூ செயல்திறன் வழங்குகிறது. 3.0 லிட்டர் டீசல் என்ஜின் 8-ஸ்பீடு ஆட்டோமேடிக் கியர்பாக்ஸ் உடன் வழங்கப்படுகிறது. #Jaguar
    Next Story
    ×