ம.பி., ராஜஸ்தான், சத்தீஸ்கரில் பாஜக ஆட்சி- தெலுங்கானாவில் காங்கிரஸ் ஆட்சி: லைவ் அப்டேட்ஸ்

பா.ஜ.க. வெற்றி குறித்து உள்துறை மந்திரி அமித்ஷா வெளியிட்ட எக்ஸ் தளத்தில், சாதி அரசியலின் நாட்கள் முடிந்துவிட்டன என்பதை இன்றைய தேர்தல் முடிவுகள் நிரூபித்துள்ளன. மத்தியப் பிரதேசம், சத்தீஸ்கர் மற்றும் ராஜஸ்தான் மக்கள் வழங்கிய இந்த மகத்தான ஆதரவிற்காக தலைவணங்குகிறேன். பாரதிய ஜனதா கட்சியின் இந்த மாபெரும் வெற்றிக்கு பிரதமர் நரேந்திர மோடிக்கு வாழ்த்துகள் என பதிவிட்டுள்ளார்.

Union Home Minister Amit Shah tweets "Today's election results have proved that the days of appeasement and caste politics are over...New India votes on Politics of Performance. I salute the people of Madhya Pradesh, Chhattisgarh and Rajasthan for this immense support. Many… pic.twitter.com/VMNVKPwEyb

— ANI (@ANI) December 3, 2023

3 மாநிலங்களில் பாஜக பெற்றுள்ள வெற்றி குறித்து பிரதமர் மோடி வெளியிட்ட எக்ஸ் தளத்தில், மத்தியப் பிரதேசம், ராஜஸ்தான், சத்தீஸ்கர் ஆகிய மாநிலங்களின் தேர்தல் முடிவுகள் இந்திய மக்கள் நல்லாட்சி மற்றும் வளர்ச்சி அரசியலில் மட்டுமே நம்பிக்கை வைத்துள்ளனர், அவர்களின் நம்பிக்கை பா.ஜ.க. மீது உள்ளது என்பதைக் காட்டுகிறது. இந்த அனைத்து மாநிலங்களின் குடும்ப உறுப்பினர்களுக்கும், குறிப்பாக தாய்மார்கள், சகோதரிகள், மகள்கள் மற்றும் நமது இளம் வாக்காளர்கள், பா.ஜ.க. மீது தங்கள் அன்பையும் நம்பிக்கையையும் ஆசீர்வாதத்தையும் பொழிந்ததற்காக மனதார நன்றி தெரிவித்துக் கொள்கிறேன் என பதிவிட்டுள்ளார்.

Prime Minister Narendra Modi tweets "The election results of Madhya Pradesh, Rajasthan and Chhattisgarh show that the people of India have faith only in the politics of good governance and development, their faith is in BJP. I heartily thank the family members of all these… pic.twitter.com/JIAVHLWfcq

— ANI (@ANI) December 3, 2023

ராஜஸ்தான் முதல் மந்திரி அசோக் கெலாட் கூறுகையில், ராஜஸ்தான் மக்கள் அளித்த ஆணையை நாங்கள் பணிவுடன் ஏற்றுக்கொள்கிறோம். இது எதிர்பாராத முடிவு. நமது திட்டங்கள், சட்டங்கள் மற்றும் புதுமைகளை மக்களிடம் கொண்டு செல்வதில் நாம் முழுமையாக வெற்றி பெறவில்லை என்பதையே இந்த தோல்வி காட்டுகிறது. புதிய அரசு அமைய வாழ்த்துகள். ஓபிஎஸ், சிரஞ்சீவி உள்ளிட்ட அனைத்து திட்டங்களும் ராஜஸ்தானை வளர்ச்சிப் பாதைக்கு கொண்டு செல்ல வேண்டும் என தெரிவித்தார்.

Rajasthan CM Ashok Gehlot tweets "We humbly accept the mandate given by the people of Rajasthan. This is an unexpected result for everyone. This defeat shows that we were not completely successful in taking our plans, laws and innovations to the public. I wish the new government… pic.twitter.com/SanW6a6hsj

— ANI (@ANI) December 3, 2023

தெலுங்கானா மாநில காங்கிரஸ் தலைவர் ரேவந்த் ரெட்டி கூறுகையில், காங்கிரஸ் ஆட்சி அமைக்க வாழ்த்து தெரிவித்த கே.டி.ராமாராவுக்கு நன்றி. ஆட்சியில் அவருடன் இணைந்து பணியாற்ற காங்கிரஸ் கட்சி தயாராக உள்ளது. 10 ஆண்டுகளாக ஆட்சியில் இருந்த நீங்கள் தற்போது எதிர்க்கட்சி வரிசையில் உள்ளீர்கள். எதிர்கட்சியினரின் கருத்துகளை நாங்கள் மதிப்போம் என தெரிவித்தார்.

ராஜஸ்தானின் வித்யாதர் நகர் தொகுதியில் போட்டியிட்ட பா.ஜ.க. எம்.பி.யான தியா குமாரி 1,58,516 வாக்குகள் பெற்று அபார வெற்றி பெற்றார். இவர் 71,368 வாக்குகள் வித்தியாசத்தில் வென்றுள்ளார்.