திருவொற்றியூர் தொகுதியில் அமமுக வேட்பாளர் சந்தான கிருஷ்ணன் வீதி வீதியாக வாக்குசேகரிப்பு

சென்னை:

வடசென்னை பாராளுமன்ற தொகுதி அ.ம.மு.க. வேட்பாளர் பி.சந்தானகிருஷ்ணன் பரிசு பெட்டகம் சின்னத்திற்கு வீதி வீதியாக சென்று ஆதரவு திரட்டி வருகிறார்.

டி.டி.வி. தினகரனின் ஆசி பெற்ற சின்னமான பரிசு பெட்டகத்திற்கு வாக்களித்து தன்னை வெற்றி பெற செய்ய வேண்டும் என்று வேட்பாளர் பி.சந்தான கிருஷ்ணன் ஆதரவு திரட்டினார்.

திருவொற்றியூர் தொகுதிக்கு உட்பட்ட 11, 12, 13, 14 ஆகிய வார்டுகளில் டோல்கேட், தாங்கல், மொண்டி குப்பம் ஆகிய வீதிகளில் சென்று வாக்கு சேகரித்தார். அவருடன் திருவள்ளூர் கிழக்கு மாவட்ட செயலாளர் எஸ்.எம்.சீனிவாசன், முன்னாள் எம்.எல்.ஏ. ஆறுமுகம், தேர்தல் பொறுப்பாளர் வில்லியம்ஸ் அலெக்சாண்டர், பகுதி செயலாளர் எஸ்.முரளி, நிர்வாகிகள் தாங்கல் ரவி, டி.வி.நாசர், தங்கமணி, ஜீவிதா நாச்சியார், இ.ஜான்சன், புகழேந்தி, பார்த்த சாரதி, குமரேசன், வி.சி.சண்முகம் உள்பட பலர் கலந்து கொண்டனர். #LokSabhaElections2019