நீதிமன்ற விசாரணைக்கு ஆஜராகாமல் 3 மாதமாக தலைமறைவாக இருந்த வாலிபர் கைது

நெல்லை:

மானூர் போலீஸ் நிலைய சரகத்திற்குட்பட்ட பகுதியில் கடந்த 2008 - ம் வருடம் அவதூறாக பேசி மிரட்டல் விடுத்த வழக்கில் வள்ளியூர் கேசவனேரியை சேர்ந்த செந்தில்குமார் (வயது 33) என்பவர் கைது செய்யப்பட்டு ஜாமீனில் வெளிவந்தார்.

அவர் நீதிமன்ற விசாரணைக்கு கடந்த 3 மாதமாக ஆஜராகாமல் தலைமறைவாக இருந்து வந்ததால், அவருக்கு நீதிமன்றத்தில் பிடியாணை பிறப்பிக்கப்பட்டிருந்தது. அதன்படி மானூர் போலீசார் இன்று அவரை கைது செய்து நீதிமன்றத்தில் ஆஜர்படுத்தினர்.