என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
கருப்பாநதி பகுதியில் மட்டும் பெய்தது: போதிய மழை இல்லாததால் அணைகளின் நீர்மட்டம் கடும் சரிவு
- கருப்பாநதி அணைப்பகுதியில் 18 மில்லி மீட்டர் மழை பெய்துள்ளது.
- மலைப்பகுதிகளில் மலை இல்லாததால் அணைகளுக்கு நீர் வரத்து இல்லை.
தென்காசி:
நெல்லை, தென்காசி மாவட்டத்தில் கடும் வெயில் வாட்டி வருகிறது. இதற்கிடையே வளி மண்டல சுழற்சி காரமாக அவ்வப்போது மழை பெய்கிறது.
நேற்று தென்காசி மாவட்டத்தில் கருப்பாநதி அணைப்பகுதியில் அதிகப்பட்சமாக 18 மில்லி மீட்டர் மழை பெய்துள்ளது. நேற்று இரவு தென்காசி, பாவூர்சத்திரம், ஆவுடையானூர், கடையம் உள்ளிட்ட மாவட்டத்தின் சில பகுதிகளில் மழை பெய்தது.
கடும் வெயிலால் அவதி அடைந்த நிலையில், நேற்று இரவு பெய்த மழையால் அப்பகுதியில் குளிர்ச்சி நிலவியது. இதனால் பொதுமக்கள் மகிழ்ச்சி அடைந்தனர்.
எனினும் அணைப்பகுதிகள், மேற்குத்தொடர்ச்சி மலைப்பகுதிகளில் மலை இல்லாததால் அணை களுக்கு நீர் வரத்து இல்லை. இதேபோல் மெயின் அருவி, ஐந்தருவி உள்ளிட்ட குற்றால அருவி களுக்கும் தண்ணீர் வரத்து இன்றி மிக குறைந்த அளவே தண்ணீர் விழுந்து வருகிறது.
விடுமுறை தினத்தை யொட்டி குறைந்த அளவு தண்ணீர் இருந்தபோதிலும், வெயில் தாக்கத்தில் இருந்து தப்பிக்க நேற்று குற்றாலம் மற்றும் நெல்லை மாவட்டத்தில் அகஸ்தியர் அருவி உள்ளிட்ட இடங்களில் பொதுமக்களின் கூட்டம் அதிகமாகவே காணப்பட்டது.
அணைகளில் நீர் மட்டம்
கடும் வெப்பம், போதிய மழை இல்லாததால் அணைகளின் நீர் மட்டம் தொடர்ந்து குறைந்து வருகிறது. 143 அடி கொள்ளளவு கொண்ட பிரதான அணையான பாபநாசத்தின் இன்றைய நீர்மட்டம் 22.95 அடியாக உள்ளது.
இதில் 15 அடிக்கு மேல் சகதி காணப்படுவதால் தண்ணீரின் அளவு வெறும்7 அடி மட்டுமே உள்ளது. இதேபோல் 156 அடி கொள்ளளவு கொண்ட சேர்வலாறு அணை நீர்மட்டம் 42.03 அடியாகவும், 188 அடி உயரம் கொண்ட மணிமுத்தாறு அணையின் நீர்மட்டம் 79.45 அடியாகவும் உள்ளது. இதேபோல் தென்காசி மாவட்டத்தில் 85 அடி உயரம் கொண்ட கடனா நதி நீர்மட்டம் 36.60 அடியாகவும், 84 அடி உயரம் கொண்ட ராமநதி நீர்மட்டம் 35.50 அடியாகவும், கருப்பாநதி நீர்மட்டம் 24.61 அடியாகவும், குண்டாறு நீர்மட்டம் 15.12 அடியாகவும், அடவிநயினார் நீர்மட்டம் 10.75 அடியாகவும் உள்ளது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்