மது விற்றவர் கைது

அரியலூர் மாவட்டம் விக்கிரமங்கலம் போலீஸ் சப்-இன்ஸ்பெக்டர் லோகநாதன் தலைமையிலான போலீசார் கீழ நத்தம் பகுதியில் ரோந்து பணியில் ஈடுபட்டிருந்தனர். அப்போது அதே பகுதியை சேர்ந்த வெங்கடேசன் (வயது 28) என்பவர் சட்டவிரோதமாக மது விற்றது தெரியவந்தது. இதையடுத்து, அவரை போலீசார் கைது செய்தனர். மேலும், அவருக்கு சொந்தமான பம்பு செட் மோட்டார் கொட்டகையில் விற்பனை செய்வதற்காக மறைத்து வைத்திருந்த 78 மது பாட்டில்கள் பறிமுதல் செய்யப்பட்டன.