search icon
என் மலர்tooltip icon

    உள்ளூர் செய்திகள்

    மார்க்கண்டேயன் எம்.எல்.ஏ.
    X
    மார்க்கண்டேயன் எம்.எல்.ஏ.

    விளாத்திகுளத்தில் இன்று மாலை தி.மு.க. ஓராண்டு சாதனை விளக்க பொதுக்கூட்டம்-மார்க்கண்டேயன் எம்.எல்.ஏ. அழைப்பு

    விளாத்திகுளத்தில் இன்று மாலை தி.மு.க. ஓராண்டு சாதனை விளக்க பொதுக்கூட்டம் நடைபெறுகிறது. இதில் திரளான கட்சியினர் கலந்து கொள்ள வேண்டும் என மார்க்கண்டேயன் எம்.எல்.ஏ. அழைப்பு விடுத்துள்ளார்.
    விளாத்திகுளம்:

    முதல்-அமைச்சர் மு.க. ஸ்டாலின் தலைமையிலான தமிழக அரசின் ஓராண்டு சாதனை விளக்க பொதுக்கூட்டம் விளாத்திகுளம் காய்கறி மார்க்கெட் அருகே இன்று மாலை நடக்கிறது. பொதுக்கூட்டத்திற்கு விளாத்திகுளம் எம்.எல்.ஏ. மார்க்கண்டேயன் தலைமை தாங்குகிறார். முன்னாள் மாவட்ட இளைஞரணி அமைப்பாளர் ராஜசேகரன் வரவேற்று பேசுகிறார்.

    மேயர் ஜெகன்பெரியசாமி, தலைைம செயற்குழு உறுப்பினர் ராதாகிருஷ்ணன், விளாத்திகுளம் கிழக்கு ஒன்றிய செயலாளர் சின்னமாரிமுத்து, விளாத்திகுளம் மேற்கு ஒன்றிய செயலாளர் ெஜயக்குமார், புதூர் கிழக்கு ஒன்றிய செயலாளர் செல்வராஜ், புதூர் மேற்கு ஒன்றிய செயலாளர் மும்மூர்த்தி, ஓட்டப்பிடாரம் கிழக்கு ஒன்றிய செயலாளர் காசி விஸ்வநாதன், கோவில்பட்டி கிழக்கு ஒன்றிய செயலாளர் நவநீதகண்ணன், முன்னாள் எம்.எல்.ஏ. ராமநாதன், கோவில்பட்டி முன்னாள் நகராட்சி தலைவர் சங்கரபாண்டியன் ஆகியோர் முன்னிலை வகிக்கின்றனர்.

    பொதுக்கூட்டத்தில் தூத்துக்குடி பாராளுமன்ற உறுப்பினர் கனிமொழி,சமூக நலன் மற்றும் மகளிர் உரிமை துறை அமைச்சர் கீதா ஜீவன் ஆகியோர் கலந்து கொண்டு சிறப்புரை ஆற்றுகின்றனர். மேலும் தலைமை கழக பேச்சாளர்கள் ஆரணிமாலா, முகவை ராமர், சரத்பாலா ஆகியோர் பேசுகின்றனர். முடிவில் பேரூர் செயலாளர் வேலுசாமி நன்றி கூறுகிறார். 

    இந்த பொதுக்கூட்டத்தில் ஒன்றிய, பேரூர் தி.மு.க. நிர்வாகிகள், அணி நிர்வாகிகள், பொதுமக்கள் என அனைவரும் கலந்து கொள்ள வேண்டும் என மார்க்கண்டேயன் எம்.எல்.ஏ. அழைப்பு விடுத்துள்ளார்.
    Next Story
    ×