சென்னை:
முதல்-அமைச்சர் மு.க.ஸ்டாலின் வெளியிட்டுள்ள இரங்கல் செய்தியில் கூறி இருப்பதாவது:-
மூத்த காங்கிரஸ் தலைவரான எஸ்.சிங்கார வடிவேல் மறைந்த செய்தி அறிந்து மிகுந்த வருத்தத்துக்கு உள்ளானேன்.
சிங்காரவடிவேல் 4 முறை தஞ்சை தொகுதியின் பாராளுமன்ற உறுப்பினராகவும், வழக்கறிஞராகவும் மக்கள் பணியாற்றியவர். அவரை இழந்து வாடும் குடும்பத்தினருக்கும், நண்பர்களுக்கும் எனது ஆழ்ந்த இரங்கலை தெரிவித்துக் கொள்கிறேன்.
இவ்வாறு அவர் கூறியுள்ளார்.
