என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
கோபிசெட்டிபாளையம் அருகே நூல் மில்லில் பயங்கர தீ விபத்து
கோபிசெட்டிபாளையம:
ஈரோடு மாவட்டம் கோபிசெட்டிபாளையம் சி.கே.எஸ். நகரை சேர்ந்தவர் சம்பத்குமார். இவருக்கு அயலூர் என்ற பகுதியில் நூல் மில் உள்ளது. இந்த மில்லில் 3 ஷிப்டுகளில் 100-க்கும் மேற்பட்ட தொழிலாளர்கள் இரவு பகலாக வேலை பார்த்து வருகின்றனர்.
வழக்கம்போல் நேற்று இரவும் ஊழியர்கள் பணியாற்றி கொண்டு இருந்தனர். அப்போது புளோ ரூம் என்ற பகுதியில் மின்கசிவு காரணமாக பஞ்ச பேல்களில் தீப்பொறி பட்டு தீ மளமளவென எரிந்து அருகில் இருந்த அறைக்கும் சென்றது.
அப்போது அங்கு வேலை பார்த்து கொண்டிருந்த 15-க்கும் மேற்பட்ட தொழிலாளர்கள் உடனடியாக அங்கிருந்து வெளியேறினர்.
தொடர்ந்து ஊழியர்கள் மில்லில் பொருத்தப்பட்டிருந்த தீயணைப்பு கருவிகள் மூலம் தீயை அணைக்கும் பணியில் ஈடுபட்டனர். பின்னர் இதுபற்றி தெரிய வந்ததும் கோபிசெட்டிபாளையம் தீயணைப்பு வீரர்கள் சம்பவ இடத்துக்கு விரைந்து வந்து தீயை அணைக்கும் பணியில் ஈடுபட்டனர்.
சுமார் 1 மணி நேரம் போராடி தீயை கட்டுக்குள் கொண்டு வந்தனர். ஆனாலும் பஞ்சுக்குள் இருந்து புகை வந்து கொண்டே இருந்ததால் தீயணைப்பு வீரர்கள் பஞ்சு மீது தொடர்ந்து தண்ணீரை ஊற்றினர்.
இந்த தீ விபத்தில் பல லட்சம் மதிப்புள்ள எந்திரங்கள், பஞ்சு பேல்கள் எரிந்து சேதமானது. இந்த தீ விபத்து குறித்து சிறுவலூர் போலீசார் வழக்குப்பதிவு செய்து விசாரணை நடத்தி வருகின்றனர்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்