புதுச்சேரி:
புதுச்சேரியில் அமைச்சர்களுக்கு ஒதுக்கப்பட்ட இலாக்காக்கள் தொடர்பான பட்டியலை துணை நிலை ஆளுநர் தமிழிசை சவுந்தரராஜனிடம் முதலமைச்சர்
ரங்கசாமி இன்று வழங்கினார். ஆளுநர் ஒப்புதலையடுத்து அமைச்சர்களுக்கான இலாகா ஒதுக்கீடு தொடர்பாக அரசிதழில் வெளியிடப்பட்டது.
முதல்வர் ரங்கசாமிக்கு கூட்டுறவுத்துறை, சுகாதாரம் மற்றும் குடும்ப நலத்துறை, வருவாய், உள்ளாட்சி நிர்வாகம், பொது நிர்வாகம், அறநிலையத்துறை, துறைமுகம், அறிவியல்-தொழில்நுட்பம் மற்றும் சுற்றுச்சூழல், தகவல் மற்றும் விளம்பரம் உள்ளிட்ட 13 துறைகள் ஒதுக்கப்பட்டுள்ளன.
நமச்சிவாயம்: உள்துறை, மின்துறை, கல்வி, தொழில் மற்றும் வர்த்தகம், விளையாட்டு மற்றும் இளைஞர் நலன், சைனிக் நலன்
க.லட்சுமி நாராயணன் - பொதுப்பணித்துறை, சுற்றுலா மற்றும் விமானப் போக்குவரத்து, மீன்வளத்துறை, சட்டத்துறை, தகவல் தொழில்நுட்பத்துறை, அச்சகம்.
தேனி ஜெயக்குமார்:
வேளாண்மை, கால்நடை பராமரிப்பு, வனத்துறை, சமூக நலன், பிற்படுத்தப்பட்டோர் நலத்துறை, பெண்கள் மற்றும் குழந்தைகள் நலத்துறை.
சாய் சரவணன் குமார்: நுகர்பொருள் வழங்கல் மற்றும் நுகர்வோர் விவகாரங்கள் துறை, டிஆர்டிஏ, சமுதாய மேம்பாடு, நகர்ப்புற அடிப்படை சேவைகள், தீயணைப்பு, சிறுபான்மையினர் நலத்துறை
சந்திர பிரியங்கா: ஆதி திராவிடர் நலத்துறை, போக்குவரத்து, வீட்டு வசதி, தொழிலாளர் நலத்துறை, கலை மற்றும் கலாச்சாரம், பொருளாதாரம் மற்றும் புள்ளியியல் துறை.
