என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
கார் மீது லாரி மோதல்- முன்னாள் எம்.எல்.ஏ. உயிர் தப்பினார்
Byமாலை மலர்28 March 2018 4:36 PM GMT (Updated: 28 March 2018 4:36 PM GMT)
காங்கேயத்தில் கார் மீது லாரி மோதிய விபத்தில் முன்னாள் எம்.எல்.ஏ. உயிர் தப்பினார்.
காங்கேயம்:
காங்கேயத்தில் கார் மீது லாரி மோதிய விபத்தில் முன்னாள் எம்.எல்.ஏ. உயிர் தப்பினார். இது குறித்து போலீசார் விசாரணை நடத்தி வருகிறார்கள்.
இந்த விபத்து குறித்து போலீஸ் தரப்பில் கூறப்படுவதாவது:-
திருப்பூர் மாவட்டம் காங்கேயம் நெய்க்காரன்பாளையத்தில் அ.தி.மு.க. முன்னாள் எம்.எல்.ஏ. என்.எஸ்.என்.நடராஜ் குடும்பத்துடன் குடியிருந்து வருகிறார். இவருக்கு சொந்தமான எண்ணெய் ஆலைகளும் அதே பகுதியில் உள்ளன.
இந்த நிலையில் என்.எஸ்.என்.நடராஜ் நேற்று காலையில் காரில் வெளியூர் சென்றார். பின்னர் மதியம் 1.30 மணிக்கு சென்னிமலையில் இருந்து நெய்க்காரன்பாளையத்திற்கு வந்து கொண்டிருந்தார். காரை நல்லசிவம் (வயது 50) என்பவர் ஓட்டினார். டிரைவரின் இருக்கை அருகே என்.எஸ்.என்.நடராஜ் அமர்ந்து இருந்தார்.
கார் நெய்க்காரன்பாளையத்தில் உள்ள அவருடைய எண்ணெய் ஆலை அருகே சென்றதும், காரை நிறுத்துவதற்கு காரின் வேகத்தை டிரைவர் குறைத்துள்ளார். அப்போது அவருடைய காருக்கு பின்னால் வந்து கொண்டிருந்த லாரி, ஒன்று காரின் பின் பகுதியில் மோதியது. இந்த விபத்தில் காரின் பின் பகுதி பலத்த சேதம் அடைந்தது.
இருப்பினும் காரின் முன் இருக்கையில் என்.எஸ்.என்.நடராஜ் அமர்ந்து இருந்ததால், அவரும், கார் டிரைவரும் அதிர்ஷ்டவசமாக உயிர் தப்பினார்கள். இந்த விபத்து குறித்து காங்கேயம் போலீசார் வழக்குப்பதிவு செய்து விசாரணை நடத்தி வருகிறார்கள்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X