ஹூன்டாய் இந்தியா நிறுவனம் புதிய சான்ட்ரோ மாடல் காரை இந்தியாவில் வெளியிட இருக்கிறது. புதிய 2018 ஹூன்டாய் சான்ட்ரோ மாடல் இந்தியாவில் அக்டோபர் 23-ம் தேதி வெளியாக இருக்கிறது.
அதிகாரப்பூர்வ வெளியீட்டுக்கு முன் புதிய சான்ட்ரோ மாடலின் விலை இணையத்தில் லீக் ஆகியுள்ளது. அதன் படி புதிய சான்ட்ரோ பேஸ் வேரியன்ட் விலை ரூ.3.87 லட்சம் துவங்கி, டாப் என்ட் மாடலின் விலை ரூ.5.29 லட்சம் என நிர்ணயம் செய்யப்படுகிறது.
புதிய சான்ட்ரோ 2018 மாடலில் 1.1 லிட்டர் பெட்ரோல் இன்ஜின் வழங்கப்பட்டுள்ளது. இந்த இன்ஜின் 98 பி.ஹெச்.பி. பவர், 99 என்.எம். டார்கியூ செயல்திறன், 5-ஸ்பீடு மேனுவல் அல்லது AMT கியர்பாக்ஸ் வழங்கப்படுகிறது. AMT கியர்பாக்ஸ் சான்ட்ரோ பெறும் முதல் ஹூன்டாய் கார் மாடலாக இருக்கிறது.
புகைப்படம் நன்றி: Gaadiwaadi.Com
ஹூன்டாய் நிறுவனம் 1.1 இன்ஜினில் புதிய சான்ட்ரோ CNG வேரியன்ட் வழங்கப்படுகிறது. சான்ட்ரோ CNG வேரியன்ட் செயல்திறன் சற்று குறைக்கப்பட்டுள்ளது. அந்த வகையில் சான்ட்ரோ CNG வேரியன்ட் 58 பி.ஹெச்.பி. பவர், 84 என்.எம். டார்கியூ செயல்திறன் வழங்குகிறது.
புதிய சான்ட்ரோ பெட்ரோல் மாடல் லிட்டருக்கு 20.3 கிலோமீட்டர், CNG வேரியன்ட் 30.5 கிலோமீட்டர் மைலேஜ் வழங்குகிறது. காரின் உள்புறத்தில் 7 இன்ச் டச் ஸ்கிரீன் இன்ஃபோடெயின்மென்ட் சிஸ்டம், ஆன்ட்ராய்டு ஆட்டோ, ஆப்பிள் கார் பிளே, மிரர் லின்க் மற்றும் குரல் அங்கீகார வசதியுடன் வழங்கப்பட்டுள்ளது.
