மஹேந்திரா நிறுவனத்தின் மராசோ எம்.பி.வி. காரை சமீபத்தில் அறிமுகம் செய்த நிலையில், செப்டம்பர் 3-ம் தேதி இந்தியாவில் வெளியாகும் என அறிவிக்கப்பட்டுள்ளது. இந்தியாவில் பண்டிகை காலத்தில் அறிமுகமாகலாம் என எதிர்பார்க்கப்பட்ட நிலையில், மராசோ கார் சற்று முன்னதாகவே அறிமுகம் செய்யப்படுகிறது.
மஹேந்திரா மராசோ கார் ஏழு அல்லது எட்டு பேர் அமரக்கூடிய வெர்ஷன்களில் வெளியாகும் என எதிர்பார்க்கப்படுகிறது. மராசோ என்ற வார்த்தைக்கு ஸ்பெயின் மொழியில் ஷார்க் என அர்த்தமாகும். இந்த ஷார்க் உருவத்தை தழுவி வடிவமைக்கப்பட்டுள்ளதால் இந்த பெயர் சூட்டப்பட்டு இருக்கிறது.
புதிய கார் தற்போதைய மஹிந்திரா மாடல்களுக்கு மாற்றாக அமையாமல், புதிய காராக வெளியாகிறது. மராசோ தோற்றம் சார்ந்து எவ்வித தகவலும் இல்லாத நிலையில், டேஷ்போர்டு புகைப்படங்கள் வெளியாகியுள்ளது. தற்சமயம் கிடைத்திருக்கும் புகைப்படங்களின் படி மஹிந்திரா மராசோ மாடலில் டூயல்-டோன் ஃபினிஷ் செய்யப்படுகிறது.
இதன் உள்புறங்களில் XUV மாடலை போன்ற அம்சங்கள் கொண்டிருக்கும் என எதிர்பார்க்கப்படுகிறது. இத்துடன் டச் ஸ்கிரீன் இன்ஃபோடெயின்மென்ட் சிட்ஸம், ஆட்டோமேடிக் கிளைமேட் கன்ட்ரோல், பியானோ பிளாக் பேனலிங் மற்றும் புதிய ஸ்டீரிங் வீல் வழங்கப்படுகிறது.
மஹிந்திரா மராசோ மாடலின் இருக்கைகளில் பிரீமியம் லெதர் டிராப்களால் செய்யப்படுகிறது. இன்னோவா க்ரிஸ்டாவுக்கு போட்டியாகும் என்பதால், மிகவும் சவுகரியமானதாக இருக்கும் என எதிர்பார்க்கப்படுகிறது. மேலும் மற்ற மஹிந்திரா வாகனங்களை விட அதிகளவு இடவசதியை கொண்டிருக்கும் என கூறப்படுகிறது. #mahindrau321
