2018 ஆஸ்டன் மார்டின் வேண்டேஜ் டீசர் வெளியானது

புதுடெல்லி:

ப்ரிட்டன் நாட்டு கார் தயாரிப்பு நிறுவனமான ஆஸ்டன் மார்டின் அடுத்த தலைமுறை வேண்டேஜ் மாடலின் டீசர் இணையத்தில் வெளியாகியுள்ளது. புதிய தலைமுறை அலுமினியம் கொண்டு உருவாக்கப்படும் புதிய மாடல் முந்தைய பதிப்பை விட எடை குறைவாக இருக்கும் என கூறப்படுகிறது.

புதிய டீசர் புகைப்படங்கள் வாகனத்தின் முன்புறம் மற்றும் பின்புற எல்இடி லைட் டிசைன்கள் காட்சியளிக்கிறது. இந்த புகைப்படங்களில் பின்புறம் பெரிய விங் இடம்பெற்றிருப்பதால் இது GTE ரேஸ் காராக இருக்கலாம். அந்த வகையில் புதிய வேண்டேஜ் மாடலுடன் மற்றொரு மாடலும் வெளியிடப்படலாம் என எதிர்பார்க்கப்படுகிறது.  

புதிய வேண்டேஜ் வடிம் மறைக்கப்பட்டிருந்தாலும், அதன் வடிவமைப்பு மற்றும் தோற்றம் DB10 மாடலை தழுவி வடிவமைக்கப்பட்டிருக்கலாம் என கூறப்படுகிறது. இந்த மாடல் ஜேம்ஸ் பாண்ட் ஸ்பெக்ட்ர் திரைப்படத்தில் பயன்படுத்தப்பட்டது குறிப்பிடத்தக்கது.



புதிய ஆஸ்டன் மார்டின் வேண்டேஜ் மாடலில் DB11 மாடலை விட சிறியதாகவும், V8 ரக இன்ஜின் கொண்டிருக்கும் என கூறப்படுகிறது. இந்த இன்ஜின் 500 bhp செயல்திறன் கொண்டுள்ளது. இத்துடன் ஆஸ்டன் மார்டின் புதிய 5.2 லிட்டர் டுவின் டர்போ V12 வழங்கப்படுகிறது. இது DB11-ஐ விட வேகமானதாகும்.

புதிய இன்ஜின் முந்தைய மாடலை விட வேகமாக 0-100 கிலோமீட்டர் வேகத்தில் செல்லும் திறன் கொண்டிருப்பக்கும் என கூறப்படுகிறது. முந்தைய மாடலில் 4.8 நொடிகளில் 0-100 கிலோமீட்டர் வேகத்தை பிடிக்கும் திறன் கொண்டிருக்கிறது. இந்த இன்ஜின் 6-ஸ்பீடு மேனுவல் அல்லது டூயல் கிளட்ச் ஆட்டோமேடிக் டிரான்ஸ்மிஷன் கொண்டிருக்கும் என எதிர்பார்க்கப்படுகிறது.

புதிய ஆஸ்டன் மார்டின் வேண்டேஜ் அடுத்த ஆண்டு வாக்கில் அறிமுகம் செய்யப்பட இருக்கிறது.