புதுடெல்லி:
பஜாஜ் ஆட்டோ நிறுவனத்தின் டாமினர் 400 மோட்டார்சைக்கிள் விலை இந்தியாவில் மீண்டும் மாற்றியமைக்கப்பட்டுள்ளது. புதிய டாமினர் ஆன்டி-லாக் பிரேக்கிங் (ABS) வசதி கொண்ட மாடலின் விலை ரூ.2000 வரை அதிகரிக்கப்பட்டுள்ளது. அந்த வகையில் புதிய டாமினர் விலை ரூ.1.6 லட்சம் என நிர்ணயம் செய்யப்பட்டுள்ளது.
பஜாஜ் வலைத்தளத்தில் பதிவிடப்பட்டு இருக்கும் புதிய விலை ஆன்டி-லாக் பிரேக்கிங் சிஸ்டம் இல்லாத மாடலின் விலையும் அதிகரிக்கப்பட்டுள்ளது. புதிய விலை ரூ.1.46 லட்சம் (எக்ஸ்-ஷோரூம், டெல்லி) ஆக நிர்ணயிக்கப்பட்டுள்ளது. முன்னதாக டாமினர் 400 ஆன்டி-லாக் பிரேக்கிங் சிஸ்டம் இல்லாத மாடலின் விற்பனை நிறுத்தப்படுவதாக அறிவிக்கப்பட்டது.
2018 பஜாஜ் டாமினர் இந்த ஆண்டு ஜனவரி மாத வாக்கில் அறிமுகம் செய்யப்பட்டது. முந்தைய மாடலை விட அதிகளவு மாற்றங்களுடன் புதிய மாடல் அறிமுகம் செய்யப்பட்டது. 2018 டாமினர் மாடலில் புதிய நிறம் மற்றும் தங்க நிற அலாய் வீல்கள் வழங்கப்பட்டுள்ளது. இந்தியாவில் ஏற்கனவே டாமினர் 400 மோட்டார்சைக்கிள் விலை அதிகரிக்கப்பட்ட நிலையில், இரண்டாவது முறையாக விலை அதிகரிக்கப்பட்டுள்லது.
பஜாஜ் டாமினர் 400 மாடலில் 373சிசி சிங்கிள் சிலிண்டர், லிக்விட் கூல்டு, ஃபியூயல் இன்ஜெக்டெட் இன்ஜின் வழங்கப்பட்டுள்ளது. இந்த இன்ஜின் 35 பி.ஹெச்.பி. பவர், 35 என்.எம். டார்கியூ மற்றும் 6-ஸ்பீடு கியர்பாக்ஸ் கொண்டுள்ளது. டாமினர் 400 மாடலில் ஃபுல் எல்இடி ஹெட்லைட், டிஜிட்டல் இன்ஸ்ட்ரூமென்ட் கிளஸ்டர், டிஸ்க் பிரேக், ஸ்லிப்பர் கிளட்ச், டூயல் சேனல்-ஏ.பி.எஸ். உள்ளிட்டவை வழங்கப்படுகிறது.
முன்னதாக பஜாஜ் சிடி100 விலை குறைக்கப்பட்டு, இந்த மாடல் இந்தியாவின் விலை குறைந்த மோட்டார்சைக்கிள் என்ற பெருமையை பெற்றது. அந்த வகையில் பஜாஜ் சிடி100 பேஸ் வேரியண்ட் விலை ரூ.30,714 (எக்ஸ்-ஷோரூம், டெல்லி) என நிர்ணயம் செய்யப்பட்ட
பஜாஜ் டாமினர் 400 புதிய விலை ஏற்கனவே அந்நிறுவன வலைத்தளத்தில் அப்டேட் செய்ய்ப்பட்டு விட்டது. எனினும் புதிய விலையேற்றத்துக்கான காரணம் அறியப்படவில்லை. மார்ச் 2018-இல் மட்டும் பஜாஜ் நிறுவனம் 1561 டாமினர் யூனிட்களை விற்பனை செய்துள்ளது.
