ஹூன்டாய் நிறுவனத்தின் புதிய கிரான்ட் i10 ஹேட்ச்பேக் கார் விரைவில் இந்தியாவில் வெளியிடப்பட இருக்கிறது. இதற்கான ஆயத்த பணிகளில் ஹூன்டாய் இந்தியா மும்முரமாக ஈடுபட்டு வருகிறது.
அந்த வகையில் இந்தியாவில் ஹூன்டாய் கிரான்ட் i10 சோதனை செய்யப்படும் புகைப்படங்கள் இணையத்தில் வெளியாகியுள்ளது. புதிய கிரான்ட் i10 மாடல் பூனேவில் சோதனை செய்யப்படும் படங்கள் தற்சமயம் வெளியாகியுள்ளது. அதன்படி புதிய கிரான்ட் i10 கார் இந்தியாவில் 2019 வாக்கில் அறிமுகம் செய்யப்படலாம் என தெரிகிறது.
புகைப்படம் நன்றி: IndianAutosBlog
முற்றிலும் மறைக்கப்பட்ட நிலையில், சோதனை செய்யப்படும் கிரான்ட் i10 மாடல் ஸ்போர்ட் தோற்றம் கொண்டிருக்கலாம் என்றும் இதன் முன்பக்கம் அழகிய கிரில் காருக்கு பிரீமியம் தோற்றத்தை வழங்கலாம் என எதிர்பார்க்கப்படுகிறது. கூடுதலாக முன்பக்கம் ஸ்வெப்ட்-பேக் ஹெட்லேம்ப்கள் இடம்பெறலாம் என்றும் கூறப்படுகிறது.
காரின் பக்கவாட்டில் மேம்படுத்தப்பட்ட புதிய வடிவமைப்பு கொண்ட பெரிய ஜன்னல்கள் உள்புற கேபினில் காற்றோட்டத்திற்கு ஏதுவாக இருக்கின்றன. பின்புறம் புதிய வடிவமைப்பு கொண்ட டெயில் லேம்ப் கிளஸ்டர் ஸ்போர்ட் தோற்றம் பெற்றிருக்கிறது. கிரான்ட் i10 பாடி அம்சங்கள் தற்போதைய மாடலில் உள்ளதை போன்று இருக்கும் என கூறப்படுகிறது.
கிரான்ட் i10 மாடலின் உள்புறம் டூயல்-டோன் நிறம், டச் ஸ்கிரீன் இன்ஃபோடெயின்மென்ட் சிஸ்டம், ஆன்ட்ராய்டு ஆட்டோ, ஆப்பிள் கார் பிளே, ஆட்டோமேடிக் கிளைமேட் கன்ட்ரோல் மற்றும் மின்முறையில் மாற்றக்கூடிய ORVM-கள் வழங்கப்பட்டுள்ளன.
