நீங்கள் காதல் வசப்பட்டிருக்கிறீர்களா? தெரிந்துகொள்ள சில வழிமுறைகள்

நட்புக்கும், காதலுக்கும் இடையே பெரிய இடைவெளி இருக்கிறது. அதை புரிந்துகொள்ளாத சில பெண்கள் நட்பையும், காதலையும் ஒன்றாக்கி குழம்பிக்கொள்வார்கள். நீங்கள் தற்போது பழகிக்கொண்டிருக்கும் ஆண் யாரிடமாவது காதல் வசப்பட்டிருக்கிறீர்களா என்பதை தெரிந்துகொள்ள இது எளிய வழி முறை.

கவனமாக படித்து, பதில் அளித்தால், நீங்கள் அந்த நபரிடம் காதல் வசப்பட்டிருக்கிறீர்களா என்பதை கண்டறிந்துவிடலாம்..!

1. நீங்கள் நெருக்கமானவராக கருதும் அவரை, ‘வெளியே செல்லலாம்’ என்று அழைக்கிறீர்கள் என வைத்துக்கொள்வோம். அவர் ஏதாவது காரணத்தை கூறி உங்களுடன் வர மறுத்தால்..?

அ. எரிச்சலடைவேன். அவருடன் சண்டை போடுவேன்.

ஆ. சில நாட்களுக்கு அவரிடம் வெறுப்பைக் காட்டுவேன்.

இ. அதிருப்தியை வெளிப்படுத்துவேன். ஆனாலும் ‘உங்கள் நிலைமை புரிகிறது, இன்னொரு நாள் வெளியே செல்வோம்’ என்று சமாளிப்பேன்.

2. அவருடன் இருக்கும்போது உங்கள் அலங்காரம் எப்படி இருக்கும்?

அ. அலங்காரமின்றி நான் அவரோடு எங்கும் செல்லமாட்டேன்.

ஆ. முகத்தில் பவுடர், உதட்டுச்சாயமாவது பூசிக்கொள்வேன்.

இ. எப்படியிருந்தாலும் அவர் என்னை ரசிப்பார். அதில் சந்தேகமில்லை. அதனால் அலங்காரத்திற்கு முக்கியத்துவம் கொடுக்கமாட்டேன்.

3. கீழ்கண்டவைகளில் அவர் எதை பூர்த்தி செய்யவேண்டும் என்று எதிர்பார்க்கிறீர்கள்?

அ. மணிக்கொரு முறை பேச வேண்டும். தினமும் ஒருமுறையாவது என்னை பார்க்கவர வேண்டும்.

ஆ. அவர் எங்கிருந்தாலும் பரவாயில்லை. ஆனால் என்ன செய்கிறார் என்பதை எனக்கு தெரிவித்துக்கொண்டிருக்கவேண்டும்.

இ. அவரை முழுமையாக நம்புகிறேன். நேரமிருக்கும் போது அவர் எப்படியும் பேசுவார் என்பது எனக்கு தெரியும்.

4. அவருக்காக எதை இழக்க தயாராக இருக்கிறீர்கள்?

அ. எதையும் இழக்கமாட்டேன்.

ஆ. அவர் எனக்காக எதையாவது விட்டுக்கொடுத்தால், நானும் விட்டுக்கொடுப்பேன்.

இ. வேலையை விட்டுவிடுவது மற்றும் என் சுயமரியாதையை இழக்கும் விஷயங்களைத் தவிர, வேறு எதை வேண்டுமானாலும் அவருக்காக விட்டுக்கொடுப்பேன்.

5. இருவரும் வாழ்க்கையில் இணைவது என்று முடிவு செய்துவிட்டீர்களா?

அ. இல்லை. எனக்கு ஏற்றவரா என பரிசீலிக்கிறேன்.

ஆ. மனதை வசீகரிக்கிறார். ஆனாலும் முடிவு செய்யவில்லை.

இ. எல்லாவிதத்திலும் திருப்தி தரும் அவரை வாழ்க்கைத் துணையாக ஏற்பதில் உறுதியாக இருக்கிறேன்.

உங்கள் விடைகள் பெரும்பாலும் ‘அ’ என்றால்...?

மற்ற ஆண்களைப்போலவே அவருடனும் நட்புடன் பழகி வருகிறீர்கள். உங்கள் உறவு, வாழ்க்கையில் இணையும் அளவுக்கு நெருக்கமாக இல்லை. எனவே அவர் மீது உங்களுக்கு காதல் இல்லை. உங்களுக்கு அவர் மீது காதல் தோன்றுவது கடினம்.

பெரும்பாலும் பதில்கள் ‘ஆ’ என்றால்...

அவரை பிடித்திருக்கிறது. ஆனால் ஜோடி சேரும் அளவுக்கு நீங்கள் முழுமை அடையவில்லை. அவரை வாழ்க்கைத் துணையாக ஏற்க வேண்டுமென்றால் இன்னும் புரிதலும், இணக்கமும் அதிகரிக்க வேண்டும். நீங்கள், எதிர்காலத்தில் அவர் மீது காதல்கொள்ள வாய்ப்பிருக்கிறது.

அதிக பதில்கள் ‘இ’ என்றால்...?

நீங்கள் ஒருவரை ஒருவர் நன்றாக புரிந்து வைத்திருக்கிறீர்கள். உங்கள் இருவர் மனமும் இணக்கமாக இருக்கிறது. நீங்கள் அவர் மீது காதல் கொண்டுவிட்டீர்கள். அவர் நல்லவராக இருந்தால், நீங்கள் வாழ்க்கையில் இணையலாம்!