வேர்க்கடலை ஸ்டப்ஃடு பூரி

தேவையான பொருட்கள்

கோதுமை மாவு - ஒரு கப்,
வேக வைத்து, அரைத்த வேர்க்கடலை விழுது - அரை கப்,
மிளகாய்த்தூள் - ஒரு டீஸ்பூன், உப்பு,
எண்ணெய் - தேவையான அளவு.

செய்முறை

கோதுமை மாவில் உப்பு சேர்த்து, தேவையான அளவு தண்ணீர் விட்டு கெட்டியாகப் பிசைந்து கொள்ளவும்.

வேர்க்கடலை விழுதுடன், மிளகாய்த்தூள் சேர்த்து நன்றாகக் கலந்து கொள்ளவும்.

கோதுமை மாவை சிறிய பூரிகளாக இட்டு, நடுவில் சிறிதளவு வேர்க்கடலை விழுதை வைத்து மூடி, மறுபடியும் லேசாக இடவும்.

எண்ணெயைக் காய வைத்து, அதில் செய்து வைத்துள்ள பூரிகளைப் பொரித்தெடுக்கவும்.

அருமையான ருசியுடன் இருக்கும் இந்த பூரி.