தேவையான பொருட்கள் :
மட்டன் நல்லி - 200 கிராம்,
சின்ன வெங்காயம் - 50 கிராம்,
தக்காளி - 1,
இஞ்சி, பூண்டு விழுது- தேவைக்கு,
பட்டை, சோம்பு, சீரகம் - தேவைக்கு
க.எண்ணெய் - தேவையான அளவு
மஞ்சள் தூள் - கால் டீஸ்பூன்,
மல்லித்தூள், சீரகத்தூள், சோம்புத்தூள், மிளகாய்த்தூள்- தேவைக்கு,
உப்பு- தேவையான அளவு
கொத்தமல்லி - சிறிதளவு
செய்முறை:
மட்டன் நல்லியை நன்றாக வேகவைத்து கொள்ளவும்.
கொத்தமல்லி, சின்ன வெங்காயம், தக்காளியை பொடியாக நறுக்கி கொள்ளவும்.
அடுப்பில் பாத்திரத்தை வைத்து எண்ணெய் ஊற்றி சூடானதும் பட்டை, சோம்பு, சீரகம் சேர்த்து பொரிந்தவுடன் வெங்காயம் சேர்த்து நன்றாக வதக்கிக் கொள்ளவும்.
வெங்காயம் நன்றாக வதங்கியதும் இஞ்சி, பூண்டு விழுது சேர்த்து வதக்கிய பின்பு தக்காளி சேர்த்து வதக்கவும்.
தக்காளி குழைய வதங்கியதும் மஞ்சள் தூள், மிளகுத்தூள், மல்லித்தூள், சீரகத்தூள், சோம்புத்தூள் சேர்த்து தேவையான உப்பு சேர்த்து சிறிதளவு தண்ணீர் ஊற்றிய பிறகு நல்லி எலும்புகளை அதில் சேர்த்து கிளறிய பிறகு சிறிது நேரம் மூடி விடவும்.
சிறிது நேரம் கழித்து தண்ணீர் வற்றி ஓரங்களில் எண்ணெய் பிரிந்து வரும் போது கொத்தமல்லி தழை தூவி இறக்கி விடவும்.
சூப்பரான மட்டன் நல்லி பெப்பர் பிரை ரெடி.
- இதை படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்
