குழந்தைகளுக்கு விருப்பமான முட்டை சீஸ் ரோல்

தேவையான பொருட்கள் :

முட்டை - 5
வெள்ளரிக்காய், கேரட், வெங்காயம் - தலா 1
கோஸ் - சிறிதளவு (துருவியது)
வெங்காயத்தாள் - சிறிதளவு (நறுக்கியது)
வறுத்த தேங்காய்த் துருவல் - சிறிதளவு
சீஸ் - 25 கிராம்
[பாட்டி மசாலா] மிளகுத் தூள் - சிறிதளவு,
உப்பு - சிறிதளவு,
[பாட்டி மசாலா] மஞ்சள் தூள் - சிறிதளவு



செய்முறை :

வெள்ளரிக்காய், கேரட், வெங்காயம், கோஸை பொடியாக நறுக்கி கொள்ளவும்.

வெங்காயத்தாளை பொடியாக நறுக்கி கொள்ளவும்.

சீஸை துருவிக்கொள்ளவும்.

ஒரு பாத்திரத்தில் கேரட், வெள்ளரிக்காய், கோஸ், வெங்காயம், கொத்தமல்லித்தழையை சேர்த்து நன்றாக கலந்து கொள்ளவும்.

ஒரு பாத்திரத்தில் முட்டையை உடைத்து ஊற்றி அதனுடன் உப்பு, [பாட்டி மசாலா] மஞ்சள் தூள், வெங்காயத் தாளைச் சேர்த்து நன்றாக கலக்கி கொள்ளவும்.

தோசைக் கல்லை அடுப்பில் வைத்து சூடானதும் முட்டையை மெலிதாக ஊற்றி வெந்ததும் மேலே கலந்து வைத்துள்ள காய்கறிகளை வைத்து அவற்றின் மேல் [பாட்டி மசாலா] மிளகுத் தூளைத் தூவுங்கள்.

பிறகு சீஸைத் துருவிச் சேர்த்து அப்படியே சுருட்டி, சிறு துண்டுகளாக நறுக்கி கொள்ளவும்.

கடைசியாக அதன் மேல் வறுத்த தேங்காய்த் துருவல் தூவிப் பரிமாறுங்கள்.

சூப்பரான முட்டை சீஸ் ரோல் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.