சுவையான மாம்பழ கஞ்சி

தேவையான பொருட்கள்

வேக வைத்த சாதம் - 1 கப்
தயிர் - முக்கால் கப்
ப.மிளகாய் - 2
உப்பு - சுவைக்கு
நன்கு கனிந்த மாம்பழம் - 1
சாதம் வடித்த தண்ணீர்  - அரை கப்
கொத்தமல்லி - சிறிதளவு

செய்முறை

மாம்பழத்தை துண்டுகளாக வெட்டிக்கொள்ளவும்.

ப.மிளகாயை இரண்டாக வெட்டிக்கொள்ளவும்.

கொத்தமல்லியை பொடியாக நறுக்கி கொள்ளவும்.

ஒரு மண் சட்டியில் வேக வைத்த சாதத்தை போட்டு அதனுடன் தயிர், உப்பு, ப.மிளகாய், நறுக்கி மாம்பழம் சேர்த்து கைகளால் நன்றாக கலக்கவும்.

அனைத்தும் நன்றாக ஒன்று சேர்ந்ததும் சூடான சாதம் வடித்த தண்ணீர் சேர்த்து நன்றாக கலக்கவும்.

கடைசியாக கொத்தமல்லி தழை சேர்த்து பரிமாறவும்.