உடலில் உள்ள கழிவுகளை நீக்கும் கோதுமை புல் ஜூஸ்

இப்போதெல்லாம் ஜூஸ் கடைகளில் வீட் கிராஸ் ஜூஸ் என்று கிடைக்கிறது. ஃபிரஷ்ஷாக நமக்குப் போட்டுத் தருகிறார்கள். வெறுமனே இதை குடிக்கப் பிடிக்காதவர்கள் வேறு சில பழச்சாறுகளுடன் சேர்த்து இந்த கோதுமைப்புல் ஜூஸை குடிக்கிறார்கள். அதைவிடவும் இந்த கோதுமைப்புல்லை நம்முடைய வீட்டில் வளர்ப்பது மிகமிக எளிது. ஒரு சின்ன தொட்டியில் வசில கோதுமை விதைகளைப் போட்டு, நம்முடைய அடுப்பங்கறையிலேயே வைத்து வளர்க்க முடியும்.மிக எளிதாக ஓரிரு நாட்களில் வளர்ந்துவிடும். நான்கு இன்ச் வரையிலும் வளர்ந்தாலே போதும். அதைப் பறித்துப் பயன்படுத்தலாம்.

தேவையான பொருட்கள்

கோதுமை புல் - ஒரு கைப்பிடி
லெமன் சாறு - 1 டீஸ்பூன்
இஞ்சி - சிறிய துண்டு

செய்முறை

இஞ்சியை தோல் நீக்கி பொடியாக நறுக்கி கொள்ளவும்

மிக்சியில் கோதுமை புல்லை போட்டு அதனுடன் இஞ்சியை சேர்த்து, சிறிது தண்ணீர் சேர்த்து நன்றாக அரைத்து கொள்ளவும்.

அரைத்த விழுதை வடிகட்டி அதில் எலுமிச்சை சாறு கலந்து பருகவும்.

இப்போது சூப்பரான கோதுமை புல் சாறு ரெடி.

கோதுமை புல்லை நன்றாக கழுவி கொள்ளவும்.